ترامپ: مه په‌ترۆلا باكوورا سووریێ گارانتی كریه
سه‌رۆكێ ئه‌مه‌ریكایێ ئیرۆ ئه‌شكه‌ره به‌هسا لهه‌ڤهاتنا ئاگربه‌ستا ئه‌نقه‌رێ یا ژ بۆ باكوورا رۆژهلاتا سووریێ كر و وها ئاخڤی: ئاگربه‌ست ب باشی ده‌وام دكه، كورد وێ ل ناڤچه‌یێن نوو بێن بجی كرن، په‌ترۆل ژی گارانتی كریه.
سه‌رۆكێ ئه‌مه‌ریكایێ دۆنالد ترامپ ئیرۆ تویته‌كه نوو كر و تێده راگهاند كو وه‌زیرێ به‌ره‌ڤانیا ئه‌مه‌ریكایێ مارك ئه‌سپه‌ر ئه‌شكه‌ره كریه، ئاگربه‌ستا باكوورا رۆژهلاتا سووریێ گه‌له‌ك باشی ده‌وام دكه، كورد وێ ل ناڤچه‌یێن نوو بجی بن.
دۆنالد ترامپ د تویتا خوه ده دبێژه: ھن شەر و پەڤچوونێن کێم ھەبوون، لێ به‌لێ بلەز ب داوی بوونه، مە پەترۆل گارانتی کر، ھەر وھا مە لەشکەرێن خوە ڤەگەراندن مال.
سه‌رۆكێ ئه‌مه‌ریكا ته‌كه‌ز دكه كو وان له‌شكرێن خوه ئین ل سووریێ ژ ناڤچه‌یێن شه‌ر ڤه‌كشاندنه و نها ل ناڤچه‌یێن ئاگربه‌ستێ ژی نینن.
دۆنالد ترامپ ئه‌ڤ گۆتن ل ده‌ربارا كوردان كرنه، لێ زه‌لال نه‌كر كانێ مه‌به‌ستا وی گه‌لێ رۆژئاڤا كوردستانێ یه، یان ژی هێزێن سووریایا ده‌مۆكراتیكه كو وێ ژ ل ناڤچه‌یێن نوو بێن بجی كرن.
