ماكرۆن دخوازه‌ ئاگربه‌ستا سووریێ درێژتر ببه‌

ماكرۆن دخوازه‌ ئاگربه‌ستا سووریێ درێژتر ببه‌

سه‌رۆكێ فرانسایێ ئه‌مانوه‌ل ماكرۆن ئیرۆ داخواز ژ سه‌رۆكێ رووسیا فه‌ده‌رال كر، ئاگربه‌ستا سووریێ درێژتر ببه‌.

سه‌رۆكێ فرانسایێ ئه‌مانوه‌ل ماكرۆن، ئێڤارا ئیرۆ رۆژا دوشه‌می 21/10/2019ان، په‌یوه‌ندی ب سه‌رۆكێ رۆسیا فه‌ده‌رال فلادیمێر پۆتین ره‌ كر و ژێ خوه‌ست، ئاگربه‌ستا باكوورا رۆژهلاتا سووریێ درێژ ببه‌.

ماكرۆن ب پۆتین ره‌ ئه‌ڤ گۆت: ب باوه‌رم كو كریزا باكوورا رۆژهلاتا سووریێ وێ ب كه‌نالێن دیپلۆماتیك چاره‌سه‌ری ژ بۆ وه‌ره‌ كرن.

ل هه‌فتیا رابووری ویلایه‌تێن یه‌كبووی ئێن ئه‌مه‌ریكایێ و تركیێ، ل هه‌ڤهاتنا ئاگربه‌ستا باكوورا رۆژهلاتا سووریێ ئیمزه‌ كر، ل گۆر وێ د ڤێ د ده‌ما 120 سائه‌تان ده‌، هێزێن سووریایا ده‌مۆكراتیك ل ناڤچه‌یێن ناڤبه‌را سه‌رێ كانیێ و گرێ سپی ئێن رۆژئاڤا كوردستانێ ڤه‌كشن.

ل ڤێ ده‌ربارێ ده‌، سه‌رۆكێ تركیێ ره‌جه‌ب ته‌یب ئه‌ردۆگان رۆژا شه‌می 19/10/2019ان د كۆنفه‌ره‌نسه‌كه‌ چاپه‌مه‌نیێ ده‌ گۆتبوو كو گه‌ر 120 سائه‌ت ب قه‌ده‌ و لهه‌ڤهاتن نه‌یێ بجیكرن، ئه‌مێ هه‌ره‌كه‌تێ ژ ور ده‌ست پێ بكن كو لێ سه‌كنینه‌، لێ به‌لێ ژ دوهـ ڤه‌، هێزێن سووریایا ده‌مۆكراتی ده‌ست ب ڤه‌كشاندنا هێزین خوه‌ ژ سه‌رێ كانیێ كرنه‌.