ترامپ: ژ خوه‌ كوردان 400 سالێن دن ناپارێزن

ترامپ: ژ خوه‌ كوردان 400 سالێن دن ناپارێزین

سه‌رۆكێ ویلایه‌تێن یه‌كبووی ئێن ئه‌مه‌ریكایێ، ئیرۆ جاره‌كه‌ دن به‌هسا لهه‌ڤهاتنا ئاگربه‌ستا باكوورا سووریێ  و كوردان كر و وها ئاخڤی: ژ خوه‌ مه‌ ت سۆزه‌ ب كوردان ره‌ نه‌دایه‌ كو وان هه‌یا 400 سالێن دن ب پارێزن.

سەرۆکێ ئه‌مەریکا دۆنالد ترامپ، ئیرۆ رۆژا دوشه‌می 21/10/2019ان ل داخویانیه‌كه‌ مه‌دیایی ده‌ گۆ كو لهه‌ڤهاتنا ئاگربەستێ د ناڤبەرا ئارته‌شا ترکیێ و هێزێن سووریایا ده‌مۆكراتیك دە، د دۆمه‌، تەڤی کو ھن بنپێکرنێن بچووک ھەنە، لێ به‌لێ ب باشی برێڤه‌ دچه‌.

ترامپ ل کۆچکا سپی ب رۆژنامەڤانان رە ئاخڤی و گۆت: ھێزێن هه‌سه‌دێ ژیرانە ژ ھن ناڤچەیێن دیارکری خوه‌ ڤه‌كشاندنه‌.

ل ده‌ربارا پاراستنا كوردان، سه‌رۆكێ ئه‌مه‌ریكایێ دبیژه‌: واشنتۆنێ ت سۆزه‌ك نەدایە، کو دێ کوردان هه‌یا 400 سالێن دن بپارێزە.

ل سەر ڤەکشینا له‌شكرێن ئه‌مەریکی ژ باكوورا سووریێ، ترامپ ده‌ست نیشان كر كو له‌شكرێن وان ل دەستپێکێ وێ بچن ناڤچه‌یه‌كه‌ دن، پشترە وێ ڤەگەرن ئه‌مەریکایێ و ته‌كه‌ز كر كو ئەو ناخوازە له‌شكرێن ئه‌مەریکی ل سووریێ بھێلە.

هه‌موه‌ختا ئه‌ڤان گۆتنان، دۆنالد ترامپ گه‌ف ژی دانه‌ تركیێ كو هه‌گه‌ر ره‌فتارێن وێ ئێن خراپكار هه‌بن، سزایێن هه‌ری گران وێ بكه‌ڤن سه‌ر ئه‌نقه‌ره‌یێ.

پوستێن ھەمان بەش