پوتین: پێویسته‌ مافێ كوردان د ده‌ستوورا سووریێ ده‌ گارانتی كری به‌

سه‌رۆكێ رووسیا فه‌ده‌رال د كۆنفه‌ره‌نسه‌كه‌ هه‌ڤپار ئێ چاپه‌مه‌نیێ ده‌ ل گه‌ل سه‌رۆكێ تركیێ كو پشتی جڤینا وان ئا دوئالی ل دارخستبوو، راگهاند؛ پێویسته‌ مافێن گه‌لێ كورد د ده‌ستوورا نوو ئا سووریێ ده‌ جی بگره‌.

ڤلادیمێر پوتین سه‌رۆكێ رووسیا فه‌ده‌رال ئیرۆ سێشه‌می 22/10/2019ان ل باژارێ سۆچی ل گه‌ل سه‌رۆكێ تركیێ ره‌جه‌ب ته‌یب ئه‌ردۆگان جڤیا، پشتره‌ كۆنفه‌ره‌نسه‌كه‌ چاپه‌مه‌نیێ ل دارخست و ئه‌نجاما جڤینێ هنه‌كی زه‌لال كر.

پوتین گو كو پێویسته‌ هه‌ر هێزه‌كه‌ نه‌مه‌شرووع ئا ل سه‌ر خاكا سووریێ وه‌ره‌ ڤه‌كشاندن، رووسیا فه‌ده‌رال وێ پشته‌ڤانیێ ل هه‌ولێن سه‌رخستنا نیقاشا كوردان ب دیمه‌شقێ ره‌ به‌.

پوتین ل ده‌ربارا ده‌ستوورا نوو ئا سووریێ و مافێن پێكهاتێن وها ئاخڤی: پێویسته‌ مافێن گه‌لێ كورد د ده‌ستوورا نوو ئا سووریێ ده‌ وه‌ره‌ن گارانتی كرن، هه‌موه‌خت یه‌كپارچه‌یا خاكا سووریێ پاراستی به‌.

سه‌رۆكێ تركیێ ره‌جه‌ب ته‌یب ئه‌ردۆگان ئیرۆ سه‌ردانا رووسیا فه‌ده‌رال كر و ل باژارێ سۆچیێ ل گه‌ل ڤلادمیر پوتین جڤیا، پوتین وها ب ئه‌ردۆگان ره‌ گۆت: “ئەز باوەر دکم کو ئاستا تێکلیێن مەیێن ھەیی وێ فەیدەیێ بدە چارەسەرکرنا ھەموو پرسگرێکێن ل ھەرێما مە.”