رووسیا و تركیێ بریار دان هه‌سه‌ده ته‌نێ ل قامشلۆیێ بمینه
سه‌رۆكێ رووسیا فه‌ده‌رال و سه‌رۆكێ تركیێ ئیرۆ لهه‌ڤهاتنه‌ك ل ده‌ربارا رۆژئاڤا كوردستانێ ئیمزه كرن، ئه‌ڤ لهه‌ڤهاتن ژی وێ ئاگربه‌ستێ بۆ ده‌ما 150 سائه‌تێن دی ب دۆمینه، لێ به‌لێ د هوندر ده شكه‌ستنه‌كه دنه ژ بۆ ده‌ستهلاتا رۆژئاڤا كوردستانێ، خه‌سارا وێ ئا مه‌زن ژی ته‌نێ ژ بۆ گه‌لێ رۆژئاڤایه:
ئه‌ڤ ژی خالێن ل هه‌ڤهاتنێ نه:
ئاگربه‌ستا باكوورا رۆژهلاتا سووریێ 150 سائه‌تێن دن وێ وه‌ره دۆماندن
هه‌سه‌ده وێ ب ته‌مامی ژ هه‌رێما ئه‌وله‌هیێ وه‌ره ڤه‌كشاندن
هه‌سه‌ده وێ 30 كم ژ هه‌موو ناڤچه‌یان وه‌ره ڤه‌كشاندن ته‌نێ ل قامشلۆیێ نه‌به
پۆلیسێن سه‌ربازی ئێن رووسیا فه‌ده‌رال وێ ل ناڤچه‌یێ چاڤدێریا ڤه‌كشاندنا هه‌سه‌دێ بكن
ره‌وشا پشتی ئێریشا تركیێ ل باكوورا رۆژهلات وێ وه‌كه خوه بمینه
رووسیا و تركیێ وێ گه‌رێن هه‌ڤبه‌ش ئێن چاڤدێریێ پشتی ڤه‌كشاندنا هه‌سه‌دێ پێك بینن
تركی و رووسیا وێ ل سه‌ر یه‌كپارچه‌یا خاكا سووریێ و به‌رهنگاربوونا ته‌رۆرێ ته‌كۆشینێ بكن
ئاواره وێ ب كێفا خوه بن ڤه‌گه‌رن یان نا
