ژ بۆ بجیكرنا لهه‌ڤهاتنا سۆچی ئا ل ناڤبه‌را رووسیا فه‌ده‌رال و تركیێ ل ده‌ربارا باكوورا رۆژهلاتا سووریێ هاتی ئیمزه كرن، ئیرۆ هنه‌ك هێزێن رووسیایێ ده‌رباسی باژارێ كۆبانێ بوون.
ھێزەکا له‌شكری ئا رووسیا فه‌ده‌رال ئیرۆ رۆژا چارشه‌می 23/10/2019ان، ل ئالێ رۆژهلاتا فراتێ ده‌ست ب هه‌ره‌كه‌تێن خوه كرنه و به‌ر ب ئالێ كۆبانێ هه‌ره‌كه‌تا خوه دۆماند.
ئه‌ڤ هه‌ره‌كه‌ت ژ بۆ ده‌ست پێ كرنا گه‌رێن هه‌ڤبه‌ش ئێن ل گه‌ل ئارته‌شا تركیێ نه كو دوهـ پوتین و ئه‌ردۆگان ل هه‌ڤهاتن ل سه‌ر كرنه.
ل ڤێ ده‌ربارێ ده، هكوومه‌تا رووسیا فه‌ده‌رال ت زانیاری نه‌دان، لێ به‌لێ ئه‌شكه‌ره كر كو دڤێ ناڤه‌ندێن په‌ترۆلا باكوورا سووریێ ل بن كۆنترۆلا دیمه‌شقێ ده بن.
نه‌رینگه‌ها سووریا ئا مافێن مرۆڤان ته‌سبیت كرنه كو یه‌كه‌یێن رووسیا فه‌ده‌رال كو ده‌رباسی كۆبانێ بوونه، ژ یه‌كه‌یا پۆلیسێن له‌شكری بوونه.
