سه‌رۆكێ نوو ئێ توونسێ وه‌زیفه‌دار بوو

سه‌رۆكێ نوو ئێ توونسێ وه‌زیفه‌دار بوو

سه‌رۆكێ نوو ئێ توونسێ ئیرۆ رۆژا چارشه‌می ل كۆچكا سه‌رۆكتیێ ده‌ست ب ئه‌ركا خوه‌ وه‌كه‌ سه‌رۆكێ ولات كر، پشتره‌ گۆتارا یه‌كه‌مین ل پارله‌مه‌نێ پێشكێش كر.

قه‌یس سه‌ئید سه‌رۆكێ نوو ئێ ولاتێ توونسێ ئیرۆ رۆژا چارشه‌می 23/10/2019ان، سووندا یاسایێ خوار و ل ناڤ پارله‌مه‌نا ولاتێ خوه‌ گۆتار پێشكێش كر، پشتره‌ ل كۆچكا قرتاج وه‌كه‌ سه‌رۆكێ ولات وه‌زیفه‌دار بوو.

هه‌موه‌ختا گهشتنا قه‌یس سه‌ئید ژ بۆ كۆچكا قرتاج كو ل باكوورا پایته‌ختێ یه‌، مه‌راسیما وه‌زیفه‌داربوونا وی وه‌كه‌ سه‌رۆكێ نوو بریڤه‌چوون.

سه‌رۆكێ ده‌مكی ئێ توونسێ مهه‌مه‌د ناسر ل همبه‌ر كۆچكا سه‌رۆكتیێ، سه‌رۆكێ نوو پێشوازی كر، پشتره‌ یاوه‌ریا وی هه‌یا هوندرێ كۆچكێ و ژوورا جڤینان كر كو ل ور جڤیان.

ل رۆژا پێنجشه‌می ئا رابووری 17/10/2019ان هه‌یئه‌تا سه‌ربخوه‌ ئا هلبژارتنێن توونسێ، سه‌ركه‌تنا فه‌رمی ئا قه‌یس سه‌ئید ل هلبژارتنا سه‌رۆكتیا توونسێ راگهاندبوو كو ل خولا دویه‌مین ئا هلبژارتنێ 72% ئا ده‌نگان ب ده‌ست خست بوو.