ترامپ سلاڤ ژ بۆ كوردان هه‌نه
فه‌رماندارێ گشتی ئێ هێزێن سووریایا ده‌مۆكراتیك ئیرۆ راگهاند كو سه‌رۆكێ ئه‌مه‌ریكایێ سۆز دابوو پشتگریێ ژ بۆ وان بدۆمینه، د به‌رسڤێ ده، ترامپ سلاڤ ژ بۆ گه‌لێ كورد شاندنه.
مه‌زلووم ئه‌بدی ئیرۆ رۆژا چارشه‌می 23/10/2019ان، ل سه‌ر هه‌سابا خوه ئا تویته‌رێ په‌یام ژ بۆ سه‌رۆكێ ئه‌مه‌ریكایێ شاند و تێده وها نڤیساندبوو: ترامپ سۆز دایه پشتگریێ د ئالاڤێن جودا ده بدۆمینه.
د به‌رسڤا فه‌رماندارێ هه‌سه‌دێ ده، دۆنالد ترامپ ل هه‌سابا خوه ئا تویته‌رێ نڤیساند: سپاس ژ بۆ ته جه‌نه‌رال مه‌زلووم و ژ بۆ په‌یڤێن ته ئێن جوان و وێره‌ك، سلاڤێن گه‌رم ل گه‌لێ كورد بكه، ب هێڤیا وێ یه‌كێ ل وه‌خته‌كا نێزیك هه‌ڤدو ببینین.
سه‌رۆكێ ئه‌مه‌ریكایێ كو نها گه‌لێ كورد وی ب ئیخانه‌تێ و پشدانێ ژ بۆ هێزێن سووریایا ده‌مۆكراتیك د مه‌یزینه، ژ ده‌ستپێكا ئێریشا داگیركاری ئا تركیێ رۆژانه په‌یامان ژ بۆ كوردان ل تویته‌رێ د وه‌شینه.
هنه‌ك ژ وان تویتان هه‌ری سه‌یر و ئه‌نتیك بوون، وه‌كه وێ تویتا وه‌ختا ترامپی تێده نڤیساندی كو كوردان ل جه‌نگا جیهانی شه‌ر ل گه‌ل ئه‌مه‌ریكایێ نه‌كر، له‌و ئه‌مه‌ریكا پشت دایێ، هه‌ر وها په‌یاما وی ئا دو رۆژێن رابووری وه‌ختا گۆتی ژ خوه مه سۆز نه‌دایه كوردان وان هه‌یا 400 سالێن دن ب پارێزین.
