ئه‌نقه‌رێ و واشنتۆنێ ل سه‌ر F35 لهه‌ڤكرن

ئه‌نقه‌رێ و واشنتۆنێ ل سه‌ر F35 لهه‌ڤكرن

وه‌زیرێ پاراستنا نه‌ته‌وه‌ئی ئێ تركیێ دبێژه‌: ب باوه‌رم كو وێ ل ده‌ربارا پرسگرێكا باله‌فرێن جه‌نگ ئێن F35 ب ئه‌مه‌ریكایێ ره‌ چاره‌سه‌ر وه‌ره‌ دیتن.

هولوسی ئاكار وه‌زیرێ پاراستنا نه‌ته‌وه‌ئی ئێ تركیێ ئیرۆ رۆژا چارشه‌می 23/10/2019ان، ل ده‌ربارا لهه‌ڤهاتنا باله‌فرێن جه‌نگ ئێن ژ جورێ F35 داخویانی دا و وها ئاخڤی: ب باوه‌رم كو وێ پرسگرێكا راده‌ستكرنا وان باله‌فران ب تركیێ ره‌، چارسه‌ر ژ بۆ وه‌ره‌ دیتن.

ئاكار گۆ كو تركیێ ئه‌ندامه‌كا هه‌ری چالاك ئا هه‌ڤپه‌یمانێتیا ناتۆیێ یه‌، هه‌موه‌خت به‌شداره‌ د پرۆژه‌یا چێكرنا باله‌فرێن F35ان ده‌، له‌وما ئه‌و ب هێڤی نه‌، لهه‌ڤهاتنه‌كه‌ نوو ل گه‌ل واشنتۆنێ وه‌ره‌ پێك ئانین.

نه‌رینا وه‌زیرێ پاراستنا نه‌ته‌وه‌ئی ئێ تركیێ ل ده‌ربارا مه‌له‌فا باله‌فرێن F35ان وهایه‌: دبه‌ كو سزایێن ئه‌مه‌ریكایێ ب ئه‌گه‌را ئۆپه‌راسیۆنا ل باكوورا رۆژهلاتا سووریێ ده‌مكی بن.

تركیێ لهه‌ڤهاتن ل گه‌ل ئه‌مه‌ریكا ژ بۆ كرینا 100 باله‌فرێن جه‌نگی ئێن F35 هه‌یه‌، لێ ب سه‌ده‌ما هنه‌ك پرسگرێن كو ل مه‌هێن رابووری ده‌ركه‌تنه‌ هۆلێ، ئه‌مه‌ریكایێ ره‌ت كریه‌ ئه‌و باله‌فران راده‌ستی تركیێ بكه‌.

به‌را ئێریشا داگیركاری ئا سه‌ر رۆژئاڤا كوردستانێ، سه‌رۆك كۆمارێ تركیێ ره‌جه‌ب ته‌یب ئه‌ردۆگان ئه‌شكه‌ر كر كو هه‌گه‌ر ئه‌مه‌ریكا باله‌فرێن F35 راده‌ست نه‌كه‌، ئه‌نقه‌ره‌ وێ هنه‌ك باله‌فرێن هه‌مئاوا ژ رووسیا فه‌ده‌رال ژ بۆ خوه‌ ب ده‌ست بخه‌.