ل گور ئاماره‌كه نوو ئا مافێن مرۆڤان هات ته‌سبیت كرن كو كۆمارا ئیسلامی ئا ئیرانێ د ئیسالێ ده، 173 مرۆڤ بدارڤه‌كرنه، هنه‌ك ژ مه‌هكوومان زارۆنه و جه‌زا ل سه‌ر بجی بوویه.
كۆمیتا مافێن مرۆڤان ل رێخستنا نه‌ته‌وێن یه‌كبوویی ئیرۆ رۆژا پێنجشه‌می 24/10/2019ان، ئه‌شكه‌ره كر د ئیسالێ ده، ولاتێ ئیرانێ 173 مرۆڤ بدارڤه‌كرنه، ئه‌ڤ یه‌ك ژی ل گور سالێن به‌رێ كێمبوون تێده چێبوویه.
كۆمیتا مافێن مرۆڤان ته‌سبیت كریه، 2 كه‌سێن كو د ئیسالێ ده ده‌ستهلاتا ئیرانێ جه‌زایێ بدارڤه‌كرنێ ل سه‌ر بجی كرنه ب هه‌ساب زارۆنه ژ بۆ كو ته‌مه‌نا وان 17 سال بوونه.
ئیران ژ وان ولاتانه كو هه‌ری زێده مرۆڤان بدار ڤه‌دكه، ئه‌ڤ یه‌ك ژی ب به‌رفره‌هی ل قادا ناڤنه‌ته‌وه‌ئی تێ پرۆته‌ستۆ كرن، رێژا هه‌ری زۆر ئا مرۆڤێن كو تێن بدار ڤه‌كرن، كوردێن رۆژهلاتا كوردستانێ نه.
كۆمیتا مافێن مرۆڤان ب بیر خست كو پار ئیرانێ 253 كه‌س بدارڤه‌كرنه، 7 مەھکومێن تەمەنێ وان ژ 18یان بچووکتر د ناڤا وان ده بوون.
كۆمیتا نه‌ته‌وێن یه‌كبوویی ئه‌شكه‌ره كر وان ئاگاهی هه‌نه كو هه‌ری كێم 90 مه‌هكوومێن كو جه‌زایێ بدارڤه‌كرنێ ل سه‌ر هاتیه هلدان ل ئیرانێ هه‌نه و هه‌ژماره‌كه زارۆیان د ناڤا وان ده‌نه.
ل ئیرانێ مرۆڤ ب سووچێن تەرۆر، جنایەت، دەستدرێژی، شێلاندنا بچەک و قاچاخچیتیا ھشبرێ ب بدارڤه‌كرنێ تێن جه‌زا كرن.
