سه‌رۆكێ تركیێ ئیرۆ ئه‌شكه‌ره كر، هكوومه‌تا وان ب فه‌رمی ژ ئه‌مه‌ریكا خوه‌ست «مه‌زلووم ئه‌بدی» راده‌ستی وان بكه.
سه‌رۆكێ تركیێ ره‌جه‌ب ته‌یب ئه‌ردۆگان ئیرۆ رۆژا پێنجشه‌می 24/10/2019ان دخوه‌یانی دا و وها ئاخڤی: “ئه‌و كه‌سێ ب كۆد ناڤێ «مه‌زلووم»، د كاته‌گۆریا سۆر ئا تركیێ دیه و مه‌تلووبه، پێویسته ئه‌مه‌ریكا راده‌ستی مه بكه”.
ئه‌ردۆگان ئاخفتنا خوه دۆماند و گۆت: “وه‌زیرێ ئه‌دلێ یی تركیێ نڤیساندنه‌كه فه‌رمی ژ بۆ «مه‌زلووم ئه‌بدی» ئاماده‌كریه و وێ ژبۆ ئه‌مه‌ریكایێ وه‌ره شاندن و تێده مه خوه‌ستیه ئه‌مه‌ریكا وی راده‌ستی ئه‌نقه‌رێ بكه”.
ئه‌ڤ گۆتنا ئه‌ردۆگان هه‌موه‌ختا ده‌ركه‌تنا مه‌زلووم ئه‌بدی وه‌كه كه‌سێ یه‌كه‌مێ رۆژئاڤا كوردستانێ، تایبه‌ت پشتی كو مه‌زلووم و ترامپ هنه‌ك په‌یام ژ بۆ هه‌ڤدو شاندین.
ل داوی به‌رسڤا سه‌رۆكێ ئه‌مه‌ریكایێ ژ بۆ فه‌رماندارێ هه‌سه‌دێ، ترامپ هێڤی خوه‌ست بوون ل ده‌مه‌كه نێزیك ئه‌و و مه‌زلووم هه‌ڤدو بجڤن.
هه‌ر ل ڤێ ده‌ربارێ ده، ئیرۆ رۆژا پێنجشه‌می هه‌ژماره‌كه كۆنگرێسمه‌نێن ئه‌مه‌ریكایێ ژ وه‌زیرێ كارێن ده‌رڤه خوه‌ستن هه‌ر چ زووتر به، ڤیزایێ ژ بۆ مه‌زلووم ئه‌بدی ده‌ربخه ژ بۆ كو بكاره سه‌ردانا ئه‌مه‌ریكایێ ژ بۆ گۆتوبێژان بكه.
