سه‌رۆكێ كۆمارا تركیێ ئیرۆ راگهاند؛ هه‌گه‌ر یه‌كینه‌یێن پاراستنا گه‌ل یه‌په‌گه ب كووراهییا 30 كم خوه نه ڤه‌كشینه، ئه‌مێ یا پێویست بكن.
ره‌جه‌ب ته‌یب ئه‌ردۆگان ئێڤارا ئیرۆ رۆژا شه‌می 26/10/2019ان ل ده‌ربارێ لهه‌ڤهاتنا سووچیێ داخوه‌یانی دا و وها ئاخڤی: هه‌گه‌ر رووسیا فه‌ده‌رال ئه‌ركا خوه ل گور لهه‌ڤهاتنا سووچیێ بجی نه‌كه و یه‌په‌گه 30 كم بۆ پاشده هه‌ره‌كه‌تێ نه‌كه، ئه‌مێ كارێ پێویست ژ بۆ ده‌رخستنا یه‌په‌گێ بكن.
سه‌رۆكێ تركیێ هه‌موه‌ختا گه‌فتێن خوه یێن ژ بۆ یه‌په‌گێ و رووسیا فه‌ده‌رال، جاره‌كه دن گه‌ف ل ئه‌ورۆپایێ كرن و گۆ كو ئه‌مێ ده‌ریێ چوونا كۆچبه‌ران به‌ر ب ئه‌ورۆپایێ ڤه‌كن، هه‌گه‌ر ئه‌ورۆپا پشتگریا پلانا ئاڤاكرنا هه‌رێما ئه‌وله‌هیێ ل باكوورێ رۆژهلاتا سووریێ نه‌كه.
ل هه‌فتیا رابووری سه‌رۆكێ تركیێ و سه‌رۆكێ رووسیا فه‌ده‌رال لهه‌ڤهاتنا سووچی ل ده‌ربارا رۆژئاڤا كوردستانێ ئیمزه كرن و ل گور ل هه‌ڤهاتنێ، پێویسته هه‌سه‌ده و یه‌په‌گی هه‌رێما كور دێ ببه ناڤچه‌یا ئه‌وله‌هیێ ب كووراهییا 30 كم ڤالا بكه، پۆلیسێن له‌شكری یێن رووسیا فه‌ده‌رال وێ موراقه‌به‌تا ڤه‌كشاندنا هه‌سه‌دێ و یه‌په‌گێ بكه، پێویسته ئه‌ڤ ڤه‌كشاندن د وه‌ختا 150 ده‌مژمێران ده وه‌ره پیك ئانین.
