هنه‌ك زانیاریێن ئیسخباراتا ناڤه‌ندی ئا ئه‌مه‌ریكایێ ئه‌شكه‌ره كرنه كو وه‌خته‌كا درێژ بوو، رێبه‌رێ دائیشێ «ئه‌بو به‌كر به‌غدادی» ب كه‌مه‌را مینكری د خه‌وی.
گه‌نه‌رالێ ئه‌مه‌ریكی یێ خانه‌نشین كری سێدریك لایتون به‌هسا هنه‌ك هۆرگلیێن ئیستخباراتی یێن ده‌زگه‌ها CIA كر و وها ئاخڤی: ئه‌بو به‌كر به‌غدادی یێ رێبه‌رێ دائیشێ، وه‌خته‌كا درێژ بوو ب كه‌مه‌را مینكری د خه‌وی.
گه‌نه‌رالێ ئه‌مه‌ریكی كو ل هێزێن ئاسیمانی ته‌كۆشینا وی هه‌بوو دبێژه: راپۆرێن CIA ئه‌شكه‌ره كربوون كو كه‌سێ یه‌كه‌مێ دائیشی ل سالێن داویێ هه‌رتم كه‌مه‌را مینكری ل پشتا خوه دكر و پێ د خه‌وی، ژ بۆ كو ت جاره‌كێ ب دیل نه‌یێ گرتن، كوشتنا وی ئا ئیرۆ رۆژا یه‌كشه‌می 27/10/2019ان ته‌سبیت كر كو ئه‌ڤ راپۆرێن CIA پر راست بوون.
به‌غدادی كو ئیرۆ سه‌رێ سبه‌هێ د ئۆپه‌راسیۆنه‌كه ئاسیمانی و به‌ژاهی ئا ئه‌مه‌ریكایی ده دگه‌ل 8 كه‌سێن مالباتا وی ل ناڤچه‌یا باریشا یا سنۆرێ سووریێ و تركیێ هات كوشتن، لێ به‌لێ وه‌ختا كو ژ ئالێ هێزێن تایبه‌ت ێن ئه‌مه‌ریكایێ هاتیه حه‌سار دان، وی كه‌مه‌را خوه یا مینكری ته‌قاند و ژیانا خوه و مالباتا خوه ب داوی كر.
ل ڤێ ده‌ربارێ ده كۆچكا سه‌رۆكتیا ئه‌مه‌ریكایێ كۆچكا سپی دیاركر، سه‌رۆكێ ئه‌مه‌ریكایێ ترامپ وێ ل ئێڤارا ئیرۆ پرسه‌كه هه‌ر گرنگ ئیلان بكه، دبه كو ئه‌و پرس هۆرگلیێن كوشتنا خه‌لیفێ دائیشێ بن.
