ژ بۆ كوشتنا خه‌لیفه‌ی هه‌ڤالرێیه‌كێ به‌غدادی ئالیكاری كر

ژ بۆ كوشتنا خه‌لیفه‌ی هه‌ڤالرێیه‌كێ به‌غدادی ئالیكاری كر

دو چاڤكانیێن ئیستخباراتا ئیراقێ ئه‌شكه‌ره‌ كرنه‌ كو هه‌ڤالرێیه‌كی ئه‌بو به‌كر به‌غدادی ئالیكاری ژ بۆ كوشتنا خه‌لیفه‌ و ده‌ست نیشان كرنا جیێ مانا وی كرنه‌.

ب رۆژه‌كێ پشتی كوشتنا ئه‌بو به‌كر به‌غدادی رێبه‌رێ دائیشێ ل گوندێ باریشا ئێ سینۆرێ ئیدلبێ، مژارا ئۆپه‌راسیۆنا ئه‌مه‌ریكایێ ئا كوشتنا وی و چاوانیا ده‌ست نیشان كرنا جیێ به‌غدادی بابه‌تا هه‌ری گه‌رمه‌.

ل ڤێ ده‌ربارێ ده‌، چاڤكانیێن ئیستخباراتا ئیراقێ ئه‌شكه‌ره‌ كرنه‌، ل شباتا سالا ده‌رباسبوویی 2018ان ئه‌و كارینه‌ بگه‌هن هنه‌ك زانیاریێن هه‌ری خه‌ته‌ر ل سه‌ر جیێ كو به‌غدادی تێده‌ ژیانێ دكه‌.

وان ئه‌شكه‌ره‌ كرن، هه‌ڤالرێیه‌كێ به‌غدادی هنه‌ك زانیاری ل سه‌ر وان جیان دانه‌ كو به‌غدادی به‌رده‌وام لێ دما و ژیان تێده‌ دكر كو ته‌ڤ ئه‌و جیه‌ ل ده‌ردوورا ئیدلبێ باكوورا سووریێ بوونه‌.

ئیستخباراتا ئیراقێ وها د ده‌ خوه‌یا كرن: كه‌سێ ب ناڤێ ئیسماعیل عیساوی هه‌ڤالرێ یێ ئه‌بو به‌كر به‌غدادی ب وان گوتبوو كو خه‌لیفه‌ ل كو ده‌رێ ژیانێ دكه‌، هه‌موه‌خت رێكێن كو ژ بۆ په‌یوه‌ندیێ ب چه‌ته‌یێن خوه‌ ری بكار تینه‌.

عیساوی ناڤێ 5 كه‌سان و پێزانینێن وان ب ئیسخباراتێ ره‌ دابوو كو به‌رده‌وام هه‌ڤدیتنان ل سووریێ ب به‌غدادی ره‌ پێك دئینن.

ئیستخباراتا ئیراقێ دبێژه‌: رۆژه‌كێ ل سالا 2019ان عیساوی ئی هه‌ڤالرێ یێ به‌غدادی ل بازاره‌كه‌ ئیدلبێ تێ دیتن و ته‌ئقیبا جی و هه‌ره‌كه‌تێن وی ب باشی هاتنه‌ كرن، پشتره‌ وان كاری جیێ موهته‌مه‌ل ئێ خه‌لیفه‌ ئه‌بو به‌كر ده‌ست نیشان بكه‌ن.

عیساوی كه‌سه‌كێ ئیراقی یه‌، ل سالا 2006 ته‌ڤلی رێخستنا قاعیده‌ بوویه‌ و دكتورا ب زانستێن ئۆلا ئیسلامی هه‌یه‌، ل ناڤ دائیشێ جهێ باوه‌ریا به‌غدادی بوو و مه‌له‌فا ده‌ست نیشان كرنا به‌رپرسێن دائیشێ هه‌لدگرت، پشتی ژناڤچوونا رێخستنێ ل سالا 2017ان ئه‌و ب هه‌ڤژینا خوه‌ ره‌ ره‌ڤیابوونه‌ سووریێ.