فرانسا دبێژه‌ دائیش وێ تۆلهلدانێ بكه‌

فرانسا دبێژه‌ دائیش وێ تۆلهلدانێ بكه‌

هكوومه‌تا فرانسایێ هه‌موه‌ختا راگهاندنا هه‌لوه‌ستا خوه‌ ئا ل ده‌ربارا كوشتنا رێبه‌رێ رێخستنا ته‌رۆریستیا دائیشێ، ئه‌شكه‌ره‌ كر دائیش وێ تۆلهلدانی ژ بۆ كوشتنا خه‌لیفێ خوه‌ بكه‌.

وه‌زیرێ كارێن هوندر ئێ فرانسایێ کریستۆڤ کاستانیر، ئیرۆ رۆژا دوشه‌می 28/10/2019ان هشیار ژ ئێریشێن موهته‌مه‌ل ئێن دائیشێ دان و وها ئاخڤی: دبه‌ ته‌رۆریستێن دائیشێ هه‌ولا تۆلهه‌لدانێ ژ بۆ كوشتنا خەلیفێ خوە یێ به‌غدادی بکە.

هه‌موه‌ختا ئه‌ڤێ داخوه‌یانیا وه‌زیرێ فرانسایێ، كریستۆف ژ هێزێن ئه‌وله‌كاریێ یێن ولاتێ خوە خوه‌ست کو ژ بۆ رێ گرتنێ ل ھەر ئێریشه‌كه‌ موهته‌مه‌ل د ھشیاریێ ده‌ بن، ژ بەر کو دبه‌ ته‌رۆریستێن دائیشێ وەکە تۆلهلدانه‌كێ ل ھەمبەری کوشتنا ئه‌بو بەکر بەغدادی ئێریشان پێك بینن.

وه‌زاره‌تا كارێن هوندر ئا فرانسایێ هه‌ر وها فه‌رمان دایه‌ هێزێن خوه‌ د ئاستا هه‌ری زێده‌ ئا هشیاریێ ده‌ بن، ب تایبه‌ت ل وه‌ختا برێڤه‌چوونا مه‌راسیمێن ئام.

ئه‌مه‌ریكایێ دوهـ رۆژا یه‌كشه‌می 27/10/2019ان كوشتنا رێبه‌رێ دائیشی ئه‌بو به‌كر به‌غدادی ل گوندێ باریشا ئێ سینۆرێ پارێزگه‌ها ئیدلبێ ل باكوورێ سووریێ راگه‌هاند، هه‌یا نها دائیش ل سه‌ر ڤێ مژارێ ده‌نگێ وێ تونه‌یه‌.