وه‌زیرێ كارێن دەرڤە ئێ تركیێ ل ده‌ربارا لهه‌ڤهاتنا ئاگربه‌ستێ ئا 150 سائه‌تان داخوه‌یانی دا و ده‌ستنیشانكر كو پشتی ئه‌ڤ ده‌م د قه‌ده، ئه‌مێ هێزێن مایی ل رۆژهلاتا فراتێ پاقژ بكین.
مه‌ولوود چاویشئۆغلو ئێڤارا ئیرۆ رۆژا دوشه‌می ل ئه‌نقه‌ره‌یێ جڤینه‌كه چاپه‌مه‌نیێ ل دارخست و تێده به‌هسا ره‌وشا باكوورا رۆژهلاتا سووریێ، لهه‌ڤهاتنا ئاگربه‌ستێ و هنه‌ك مژارێن گرینگ كر و گۆت: پشتی 150 سائه‌تێن ئاگربه‌ستێ به‌قه‌ده، ئه‌مێ هێزێن كو د جی ده مایی و نه‌هاتنه ڤه‌كشاندن، پاقژ بكین.
ھەروھا چاویشئۆغلو ل سەر رەوشا داوی ئا رۆژئاڤا گۆت: “ل گۆر رێکەفتنا مە و رووسیا، ئەگەر ئەڤ 150 سائه‌ت ب داوی بێ و هێزێن ژ وێ دەرێ دەرنەکەڤن ئەمێ وان پاقژ بکین. ئەمه‌ریکا ب سۆزه‌كه نڤیسکی ژ مەرە گۆتیه هێزێن كو ل رۆژهلاتا فراتێ نه، وێ وه‌رن ڤه‌كشاندن”.
وه‌زیرێ كارێن ده‌رڤه ئێ تركیێ ته‌سبیت كر كو ل گور لهه‌ڤهاتنا تركیێ ئا ل گەل رووسیا فه‌ده‌رال، ئەگەر هێز ژ چەمێ فراتێ ھەتا سینۆرێ ره‌ققایێ كو 444 کیلۆمەترە و 30 کیلۆمەتر كووراهی دەرنەکەڤن ئەمێ ئۆپەراسیۆنێ بەردەوام بکین.
د مژاره‌كه دن ده، چاویشئۆغلو د ئاخافتنا خوە دەستنشانکر کو کوشتنا بەغدادی ب پلانەکە ھەڤبەش ئا تركیێ و ئه‌مه‌ریكایێ ھات پێک ئانین.
تركیێ و رووسیا فه‌ده‌رال لهه‌ڤهاتنا ئاگربه‌ستێ ل هه‌فتییا رابووری ئیمزه كربوو و ل گور وێ، پێویسته د 150 سائه‌تان ده، هێزێن سووریایا ده‌مۆكراتیك هه‌سه‌ده ژ رۆژهلاتا فراتێ ده‌ربكه‌ڤه، ئێڤارا سبه رۆژا سێشه‌می 29/10/2019ان، 150 سائه‌تێن ئاگربه‌ستێ وێ ب داوی ببه.
