به‌رده‌ڤكێ پارتییا یه‌كیتیا ده‌مۆكراتیك په‌یه‌دێ و به‌رپرس ل كۆمیتا دیپلۆماتیك ئا وێ پارتیێ دبێژه كو ده‌وله‌تا تركیێ ئه‌بو به‌كر به‌خدادی ئێ رێبه‌رێ رێخستنا ته‌رۆریستیا دائیشێ د پاراست.
به‌رده‌ڤكێ پەیەدێ سالهـ موسلم داخوه‌یانی ل دۆر كوشتنا ئه‌بو به‌كر به‌خدادی رێبه‌رێ دائیشێ دا و وها ئاخڤی: خەلیفێ دائیشێ ل ئدلبێ بجی ببوو و ئه‌و ل بن پاراستن و ته‌ئقیبا تركیێ ده بوو، به‌خدادی به‌را كوشتنێ هنه‌ك جاران هاتبوو باژارێ خەتایێ یێ سینۆری ل تركیێ
به‌رده‌ڤكێ په‌یه‌دێ ئه‌شكه‌ره كر، جیێ كو به‌خدادی لێ هاتیه كوشتن، خالێن ئارته‌شا تركیێ تێده‌نه، له‌وما رێبه‌رێ ته‌رۆریستان به‌رده‌وام ل بن ته‌ئقیب و چاڤدێریا تركیێ ده بوو.
سالهـ موسلم ب پشتراستی ڤه دبێژه وان پێزانین هه‌نه كو رێبه‌رێ دائیشی چه‌ندین جاران سه‌ردانا باژارێ خه‌تایێ ئێ تركیێ كریه، ئه‌ڤ سه‌ردان ژی ب هایا هكوومه‌تا ئه‌نقه‌رێ بوو.
ویلایه‌تێن یه‌كبووی ئێن ئه‌مه‌ریكایێ ل رۆژا شه‌می 26/10/2019ان د ئۆپه‌راسیۆنه‌كێ ده ئه‌بو به‌كر به‌خدادی ئێ خه‌لیفێ دائیشێ و رێبه‌رێ وێ رێخستنا ته‌رۆریستی ل گوندێ باریشا ئێ سینۆرێ ئدلبێ كوشتن، لێ به‌لێ كوشتنا وی ب رێیا كه‌مه‌را مین كری هات ته‌سبیت كرن كو وه‌ختا به‌خدادی هاتیه حه‌سار دان، وی خوه ته‌قاند و سێ خۆرتێن خوه ل گه‌ل خوه كوشتن.
