سه‌رۆك كۆمارێ ئیراقا فه‌ده‌رال ئیرۆ راگهاند؛ ل سه‌ر داخوازا خوه‌پێشانده‌ران، ئادل ئه‌بدولمه‌هدی رازی بوویه ده‌ست ژ كار به‌رده، لێ ب مه‌رجا كو ولات نه‌كه‌ڤه د ڤالاتیا ده‌ستووری ده.
سه‌رۆك كۆمارێ ئیراقێ ئێڤارا ئیرۆ رۆژا پێنجشه‌می 31/10/2019ان ل ده‌ربارا ره‌وشا ئالۆز ئا ئیراقێ گۆتار ژ بۆ گه‌ل خوه‌ند و تێده ئیلان كر كو سه‌رۆك وه‌زیر ئادل ئه‌بدولمه‌هدی رازیه ئیستیفایێ بكه و ده‌ست ژ پۆستا سه‌ر وه‌زیریێ به‌رده، لێ به‌لێ ب مه‌رجا كو ده‌وله‌ت نه‌كه‌ڤه د تو ڤالاتیه‌كه ده‌ستووری ده.
هه‌ر وها گۆت: ئه‌و وه‌كه سه‌رۆك كۆمارێ ئیراقێ رازیه هلبژارتنا به‌روه‌خت وه‌ره كرن، ب مه‌رجا سه‌راست كرنا یاسایا هلبژراتنان و ته‌سبیت كر كوهه‌ری زێده ل ده‌ما هه‌فتیه‌كێ پرۆژه‌یا سه‌راستكرنا وێ یاسایێ وێ بگه‌هه ده‌ست پارله‌مه‌نا ئیراقێ.
ل ده‌ربارا مه‌له‌فا هكوومه‌تا فه‌ده‌رال و سه‌ر وه‌زیر ئادل ئه‌بدولمه‌هدی، د. به‌رهه‌م سالهـ دبێژه: ئادل ئه‌بدولمه‌هدی وێ ده‌ست ژ كار به‌رده، لێ مه‌رجا ڤێ ده‌ستبه‌ردانێ ئه‌وه كو پێویسته ده‌وله‌ت نه‌كه‌ڤه د تو ڤالاتیێن ده‌ستووری ده.
هه‌موه‌خت سه‌رۆك كۆمار ژ ئالیێن سیاسی خوه‌ست هه‌ر چ زووتره لهه‌ڤهاتنێ ل سه‌ر كه‌سه‌كی بكن كو ببه شوونگرێ سه‌ر وه‌زیر ئادل ئه‌بدولمه‌هدی.
ل 25 جۆتمه‌ها ئیسالێ خوه‌پێشاندان ل به‌غدا ئا پایته‌ختا ئیراقێ و پێتری 10 پارێزگه‌هیێن دن چێبوون، خوه‌پێشانده‌ران ل به‌را كو داخوازا چوونا ئه‌بدولمه‌هدی و هكوومه‌تا وی بكن، وان داخوازا چاكسازیێ و نه‌هشتنا گه‌نده‌لیێ ل وه‌لات دكر.
