دائیشێ قوره‌یشیه‌كێ دن ژ بۆ خیلافه‌ت ده‌ستنیشان كر

دائیشێ قوره‌یشیه‌كێ دن ژ بۆ خیلافه‌ت ده‌ستنیشان كر

رێخستنا ته‌رۆریستیا دائیشێ، ئیرۆ كوشتنا رێبه‌ر و خه‌لیفێ خوه‌ ئه‌بو به‌كر به‌خدادی راگهاند و خه‌لیفێ خوه‌ ئێ نوو ده‌ست نیشان كر.

ئاژانسا ئه‌عماق ئا رێخستنا ته‌رۆریستیا دائیشێ ئیرۆ رۆژا پێنجشه‌می د ریكۆرده‌كه‌ ده‌نگی ئا تۆماركری ده‌، كوشتنا ئه‌بو به‌كر به‌خدادی پشت راست كر و هه‌موه‌خت ده‌ست نیشان كرنا ئه‌بی ئیبراهیم ئه‌لهاشمی ئه‌ل قوره‌یشی ل شوونا به‌خدادی وه‌كه‌ خه‌لیفه‌ راگهاند.

د ریكۆردا دائیشێ ده‌ هاتیه‌ ته‌سبیت كرن كو به‌خدادی د ئێریشه‌كه‌ ئاسیمانی ئا ئه‌مه‌ریكایێ ده‌ هاتیه‌ كوشتن.

هه‌موه‌ختا ته‌سبیت كرنا كوشتنا به‌خدادی، دائیشێ د ریكۆردا ئیرۆ ده‌ كوشتنا به‌رده‌ڤكێ رێخستنێ ئه‌بو هه‌سه‌ن مهاجر پشتراست كریه‌ و راگهاند كو ئیدی ئه‌بی حه‌مزه‌ قوره‌یشی دێ وه‌كه‌ به‌رده‌فكێ رێخستنا وان وه‌زیفه‌دار بیت.