خوەپێشاندانێن ل بەخدا و باژارێن دنێن ئیراقێ بەردەوام دکن، ل گۆر داوین ئامارێن کۆمیسیۆنا مافێن مرۆڤان د ھەیاما 8 رۆژان دە 250 کەس ھاتنە کوشتن و 11 ھەزار کەس ژی بریندار كه‌تنه.
كۆمسیۆنا مافێن مرۆڤان ل ئیراقێ ئامارا داوی ئا زرارێن جانی ئێن خوه‌پێشاندانان ئه‌شكه‌ره كرن و ل گۆر ئامارێ، ژ 25 جۆتمه‌ها 2019ان ڤه، 250 خوه‌پێشانده‌ر هاتنه كوشتن و پێتری 11 هزار خوه‌پێشانده‌ران بریندار كه‌تنه.
خوه‌پێشاندانێن ئیراقێ ل 25 جۆتمه‌ها ئیسال 2019ان ژ بۆ گوهه‌رینێ ده‌ست پێ كربوون، گه‌لێ نه‌رازی د خوه‌ست ره‌وشا ولات وه‌ره باش كرن، لێ به‌لێ وان د زوو ده خوه‌سته‌یا خوه ژ بۆ هلوه‌شانا هكوومه‌تێ و چاكسازیێن بنگه‌هین گوهه‌راندن.
پارله‌مه‌نا ئیراقا فه‌ده‌رال ژ بۆ كو ئاستا توندیا خوه‌پێشاندانێ هنه‌كی سست بكه، بریارێن چاكسازیێ په‌ژراندن هه‌موه‌خت هكوومه‌تێ هه‌مان هه‌نگاڤ ئاڤێت، لێ به‌لێ بریارێن ئەنجامدانا چاکسازیان یێن ھکوومەت و پارله‌مه‌نێ ت گوھەرتنەک د رەوشا خوەپێشاندانان دە نەکریە و خوەپێشاندەر ھەر بەردەوامن ل سەر چالاکی و خەباتێن خوە ل کۆلانان.
خوەپێشاندەر دبێژن ژ سالا 2003ان ھەتا ئیرۆ، وێرانکاری ھاتیە کرن، خوینا وان ھاتیە مژاندن، گەل ھەموو برچیه و گەندەلی کەتیە ناڤ ھەموو تشتەکێ و ھەروھا دیار دکن کو ئەگەر سیستەما سیاسی ل ئیراقێ نەیێ گوھەرتن ئەو ڤەناگەرن مالێن خوە.
