ره‌ژیما سووریێ نیازا وێ هه‌یه باله‌فرخانه‌یا قامشلۆیێ بده رووسیا فه‌ده‌رال و ئێدی ئه‌و باله‌فرخانه ژ بۆ مه‌به‌ستێن سه‌ربازی وه‌ره بكار ئانین.
هێزێن رووسیا فه‌ده‌رال ئیرۆ رۆژا شه‌می ل ناڤه‌نده‌كه نێزی باله‌فرخانه‌یا باژارێ قامشلۆ ئێ رۆژئاڤا كوردستانێ جێ گرتن، تێ گۆتن كو ئه‌ڤ هه‌ره‌كه‌ت ئاماده‌كارینه ژ بۆی وه‌رگرتنا باله‌فرخانه‌یا قامشلۆ كو وێ وه‌كه بنگه‌ها همیمیم ئا رووسی وه‌ره بكارئانین.
نه‌رینگه‌ها سووریایێ ئا مافێن مرۆڤان ئیرۆ رۆژا یه‌كشه‌می 3/11/2019ان ل سه‌ر هه‌ره‌كه‌تێن هێزێن رووسیا فه‌ده‌رال ل باكوورێ سووریێ و ناڤچه‌یێن رۆژئاڤا پێزانین دان و ئه‌شكه‌ره كر، هێزێن رووسیایێ ده‌ست داگرتیه سه‌ر ناڤه‌نده‌كه ب ناڤێ ئه‌ل ئەلزەرایی کو دکەڤە نێزیک باله‌فرخانه‌یا قامشلۆ و وەک ناڤەندەکە سەربازی وێ ناڤەندێ بکار بینن.
نه‌رینگه‌ها سووریایێ ئه‌شكه‌ره كر کو ھکوومەتا سووریایێ ب نیازە باله‌فرخانه‌یا قامشلۆ وەک بنگەھا سەربازییا ھەمێمیم بۆ دەما 49 سالان ب کرێ بدە رووسیا فه‌ده‌رال.
هێزێن رووسیایێ ل هه‌فتییا رابووری یه‌كه‌مین گه‌را هه‌ڤبه‌ش ل گه‌ل ئارته‌شا تركیێ ل ناڤچه‌یێن رۆژهلاتا فراتێ كرن، پشتی كو ئارته‌شا ئه‌مه‌ریكایێ هێزێن خوه ڤه‌كشاندین.
