هێزێن ئەولەهیێ یێن ئیراقا فەدرال ئیرۆ ب باشی چاڤدێرییا سینۆرێ كونسولخانەیا ئیرانێ ل کەربەلایێ دکن، ئەڤ پشتی وێ چەندێ تێ کو دوهـ شه‌ڤێ ل باژارکێ کەربەلایێ كونسولخانەیا ئیرانێ ژ ئالیێ خوپیشاندەران ڤە تێ شەوتاندن.
هێزێن ئەولەکاریا هکوومەتا ئیراقا فه‌ده‌رال ئیرۆ رۆژا دوشه‌می 4/11/2019ان ب ئاوایه‌كی زێده جادە ل کۆلانێن ده‌ردوورا كونسولخانه‌یا ئیرانێ ل باژارێ كه‌ربه‌لایێ به‌لاڤ بوونه و ب ڤێ یەکێ ئه‌و کارینە كوسولخانه‌یا ئیرانێ ژ دەست خوپیشاندەران ڤە ب پارێزن و کۆنترۆل بکن.
خوەپیشاندەران دوهـ شه‌ڤێ هەولدانە کو شەواتێ بخن كونسولخانه‌یا ئیرانێ، لێ بەلێ هێزێن ئەولەکاریێ ل ور ئامەدەبوونە و نەهشتنە شەوات بکەڤە ناڤا كونسولخانەیێ دە، ئەڤ ژی بوو سه‌ده‌م کو هێزێن ئەولەکاریێ یێن هکوومەتا فەده‌رال و خوەپیشاندەر لهەڤ بخن.
ژ ئەنجاما لهەڤخستنا ل نێڤبەرا هێزێن ئەوله‌کاریێ و خوەپیشاندەران ڤە، 3 خوه‌پێشانده كو هه‌موو خورت بوون هاتنه كوشتن و 12 خوەپیشاندەر هاتنە بریندارکرن.
. چاڤكانیێن كه‌ربه‌لایێ ئه‌شكه‌ره كرنه كو وه‌ختا خوەپیشاندەران ئێریش کریە سەر كونسولخانه‌یا باژارکێ کەربەلایێ چ کارمەندەکێ وێ دناڤا كونسولخانێ دە نەمابوون، خوەپیشاندەران ئالایێ ئێراقێ ل سەر دیوارکێن باره‌گه‌ها كونسولخانا ئیرانێ به‌رز كرن و دووڤ ده د خوەستن داكه‌ڤن هوندرا وێ ده و شه‌واتێ تێ به‌ردن.
