سەرۆکێ کۆمارا ئیسلامی ئا ئیرانێ راگھاند، سبه رۆژا چارشه‌می ئیران وێ هه‌نگاڤا چارێ ئا پرۆسه‌یا خوه ڤه‌كشینا ژ لهه‌ڤهاتنا ئه‌تمۆی ب مه‌شینه، هه‌موه‌خت دبێژه: وان ده‌رفه‌ته‌ك نوو دایه ئه‌ورۆپایێ.
سه‌رۆكێ ئیرانێ هه‌سه‌ن رۆهانی ل جڤینه‌كه چاپه‌مه‌نیێ ده گۆ كو سبه رۆژا چارشه‌می 6/11/2019ان، ته‌هران وێ هه‌نگاڤا چاره‌مین ئا خوه‌ڤه‌كشینا ژ لهه‌ڤهاتنا ئه‌تۆمی ئیلان بكه و ده‌ستپێبكه، ب رێیا دابینکرنا گازێ ژ بۆ ئامێرێن سەنتەرفیۆچیێ ئێن وه‌ستگه‌هێن ئه‌تۆمیێ.
رۆهانی وها ئاخڤی: دبە کو سبه ئه‌م ڤێ هه‌نگاڤێ نەھاڤێژین و پۆشمان ببین، لێ به‌لێ هه‌گه‌ر ئالیێن بەرانبەر نیازا خوه یا ژ بۆی بجی كرنا لهه‌ڤهاتنێ ئیلان بكن و ئه‌م بكاربن په‌ترۆلا خوه بفرۆشن، وێ ده‌مێ ئەمێ لهه‌ڤهاتنێ وەکه خوە بجی كن.
رووھانی دبێژه: وان رێخستنا ئه‌تۆما ئیرانێ ھایدار كر کو ژ سبه ڤە گازێ بدن زێدەتر ژ ھەزار ئالاڤێن سەبتەرفیۆچا وه‌ستگه‌ها فۆردۆ.
د مژارا گۆتوبێژ و نیقاشا ئیرانێ ب ده‌وله‌تێن ئه‌ورۆپایێ رۆهانی ئه‌شكه‌ره كر كو ل گەل ده‌وله‌تێن ئه‌ورۆپایێ نیقاش د دۆمن و ئه‌وان ده‌رفەته‌كه نوو ددن ئه‌ورۆپا كو پابه‌ندبوونێ ب لهه‌ڤهاتنێ ئیلان بكن.
