بكارئانینا چه‌كێ قه‌ده‌خه‌كری ل سه‌ر تركیێ ته‌سبیت دبه
رێڤه‌به‌ریا خوه‌سه‌ر به‌لگه هه‌نه كو تركیێ چه‌كێ قه‌ده‌خه‌كری د ئێریشا داگیركاریێ ده ل رۆژئاڤا كوردستانێ بكار ئانیه و ئیرۆ ئاماده‌یا خوه دیاركر كو وان به‌لگه‌یان بده جڤاكا ناڤنه‌ته‌وه‌ئی.
ھەڤسەرۆکێ کۆمیتا تێكلیێن دەرڤە یا رێڤەبەریا خوەسەر ئەبدولکەریم ئومەر، ئیرۆ رۆژا چارشه‌می د كۆنگره‌یه‌كه چاپه‌مه‌نیێ ده به‌هسا بنپێكاریێن تركیێ ل رۆژئاڤا كوردستانێ كر كو ژ وه‌ختا ئێریشا داگیركاریێ ژ 9ێ جۆتمه‌هێ ڤه كرنه و گۆت: مه به‌لگه هه‌نه كو تركیێ چه‌كێن قه‌ده‌خه‌كری ب كارئانینه.
ئه‌بدولكه‌ریم ئومه‌ر وها گۆت: دەولەتا ترکیێ و میلیشیایێن سەر ب وێ ڤە، ژ رۆژا 9ێ جۆتمەھێ ڤە یاسایێن ناڤنه‌ته‌وه‌ئی بنپێ کرنە وه‌ختا كو چه‌كێن قه‌ده‌خه كری ل دژی گه‌لێ سڤیل ئێ رۆژئاڤا بكارئانی.
ناڤهاتی ده‌ست نیشان كر كو ب سه‌ده‌ما چه‌كێ قه‌ده‌خه‌كری، 30 سڤیلێن رۆژئاڤا كو هنه‌ك ژ وان ژن و زارۆنه بوونه قوربانی.
هه‌ڤسه‌رۆكێ كۆمیتا تێكلیێن رێڤه‌به‌ریا خوه‌سه‌ر دبێژه: بەلگە د دەستێ مە دە ھەنە کو ترکیێ د ئێریشێن خوە دە چەکێ قەدەخەکری بکارئانیە و ئه‌م ئاماده‌نه پێشوازیێ ل کۆمیتێن ناڤنه‌ته‌وه‌ئی بكن ژ بۆ كو وان به‌لگه‌یان راده‌ستی وان بكن.
