فەرمانا ھلوەشاندنا پارلامەنتۆیا بەریتانیا و ھلبژارتنێن بەر وەخت ھاتیە دایین.
ئیرۆ رۆژا چارشەمی، بۆریس جانسۆن، سەرۆک وەزیرێن بەریتانیایێ د ھەڤدیتنەکێ دە دگەل شاژن ئەلیزابێتا دویەمین فەرمانا ھلوەشاندنا پارلامەنتۆیێ و ئەنجام دانا ھلبژارتنا ژ بۆ گەرا نوو ئا پارلامەنتۆیا بەریتانیایێ وەرگرت.
وەکە نەریتەکە سیاسی ل بەریتانیا، ب داخوازا سەرۆک وەزیر ژ بۆ ھلوەشاندنا پارلامەنتۆیێ، شاژن ب دەر کرنا راگھاندنەکە گشتی، ب دوماھی ھاتنا گەرا یاسا دانینێ رادگھینە و رۆژا “دەست بکار بوونا” پارلامەنتۆیا نوو دەست نیشان دکە.
ل گۆرەی یاسایێن ھلبژارتنا، ھەلبژارتنا پارلەمەنتەرێن نوو ژ بۆ پارلەمەنا بەریتانیایێ پاش ٢٥ رۆژان ژ ھلوەشاندنا پارلامەنتۆیێ دھێن ئەنجامدان و د ڤێ دەما ڤان ٢٥ رۆژان دە، ھکوومەت بێی پارلامەنتۆ ئیدارە دانا ولات دگرە دەست.
پارلامەنتۆیا بەریتانیایێ ژ “جڤاتا لۆردان” و “جڤاتا گشتی” پێک دھێت. ئەندام بوون د جڤاتا لۆردان دە بێ ھلبژارتن و تا دوماھیا ژییێ پارلەمانتەر دبە، لێ بەلێ ھلبژارتنێن جڤاتا گشتی دڤێ ھەر ٥ سالان جارەکێ وەرە ئەنجام دان و ھلوەشاندنا پێش وەختا پارلامەنتۆیێ ژی دھێت چاڤەرێ کرن.
ھلبژارتنێن بەرێ ل سالا ٢٠١٧ان دە ھاتن ئەنجامدان و پێتڤی بوو ھەیا سالا ٢٠٢٢یان ڤێ خۆلا پارلامەنتۆیێ کارێن یاسا دانینێ ئەنجام دابان، لێ بەلێ ل دوماھیا ھەیڤا بووری دە جڤاتا گشتی دەنگ لسەر ھلوەشاندنا خوە دابوو.
