ئارته‌شا ئه‌مه‌ریكایێ ده‌وره‌یه‌كه چاڤدێریێ ل ناڤچه‌یێن سینۆرێ باشوور و رۆژئاڤا كوردستانێ پێكانین و هه‌ژماره‌كه ئه‌ره‌به‌یێن له‌شكری تێدا به‌شدار بوون.
ھێزێن ئه‌مه‌ریكی ده‌وریه‌كه چاڤدێریێ د ناڤبەرا دەریێ سینۆری تل کۆچەر یێ د ناڤبەرا سووریێ و باشوورێ كوردستانێ دە پێكانین ب ئارمانجا چاڤدێریکرنا رەوشێ، ھەژمارەکه ئه‌ره‌به‌یێن لەشکەری یێن ئه‌مه‌ریكا گھیشتن دەریێ سینۆرێ تل کۆچەرێ.
ھێزا ئه‌مه‌ریكی پشتی تل کۆچەر به‌ر ب ناڤەندا پەترۆل و گازێ یا ل دەڤەرا سوه‌یدا چوو و پشتره وێ به‌رێ خوه بدن دێركێ.
چاڤكانیان ئه‌شكه‌ره كرنه كو ئه‌ڤ جارا یه‌كه‌مینه هێزا ئه‌مه‌ریكی ده‌رباسی خالا سینۆری ئا تل كۆچه‌رێ دبه كو ژ ئالیێ باشوورا كوردستانێ ڤه ب ده‌ریێ ره‌بیئه تێ ناسكرن.
به‌را ده‌ستپێكرنا ئێریشا داگیركاری ئا تركیێ ل سه‌ر رۆژئاڤا كوردستانێ ل 9ی جۆتمه‌ها ئیسال، ئه‌مه‌ریكا هێزێن خوه ژ باكوورێ رۆژهلاتا سووریێ ڤه‌كشاندن، ل هه‌فتییا رابووری دۆنالد ترامپ سه‌رۆكێ ئه‌مه‌ریكایێ ئه‌شكه‌ره كر كو هنه‌ك هێزێن وان وێ بمینن و سازیێن په‌ترۆلێ بپارێزن.
