هێزێن ئه‌وله‌هیا تركیێ دوهـ شه‌ڤێ ب ده‌هان كۆچبه‌رێن بێ ده‌ستوور ل به‌راڤێن ئیزمیرێ ده‌سته‌سه‌ر كرن كو د خوه‌ستن ده‌رباسی ئه‌ورۆپایێ ببن.
ل هەردوو شارەداریێن مەندەرەس و دیکیلی ل باژارکێ ئیزمیرێ، 79 کوچبەرێن بێ ده‌ستوور هاتن دەستە سەرکرن کو د خوەستن ب رێکێن قەدەخەکری بچن ئەوروپایێ، هەژمارەکە وان کوچبەران ژن و زارۆ بوون، پشتی کو هاتنە گرتن ژ بۆ رێڤەبەراتیا کۆچبەران ل باژارکێ ئیزمیرێ هاتن ڤه‌گوهاستن.
تیمەکە هێزێن دەریایێ ل سینۆرێ ئەهمەتبێیلی ل مەندەرەسێ بەلەمەکە چۆپی گرتن کو 35 ئینسان د هوندرێ وێ دە بوون، پشتی له‌كۆلینێ ئه‌شكه‌ره بوو کو 24 ژوان سووری نه، 10 ژی فەلەستینی و یەک ژی مسری بوو.
هه‌موه‌خت ل به‌راڤێن دیکیلی هێزێن ئەولەکاریێ کارین 44 کوچبەرێن دن رزگار بکن کو بەلەما وان زرار پێ كه‌تبوون و وان هاوار د کرن، ژ وان ژی 28 سووری هەبوون، 12 ژی سۆمالی و 4 دن فەلەستینێ بوون.
ئەڤ ژی د دەمەکێ دەیە کو ل روژهلاتا ناڤین ژییان هنەکێ زەهمەت کەتیە ب تایبەت ژی رەوشا سووریێ کو هەییا 8 سالانه شەر د هوندرێ وێ دا د دۆمە.
