ئارته‌شا تركیێ و دۆڤه‌لانكێن وێ ئێن ژ جه‌بهه‌ت ئه‌ل نوسره و ئارته‌شا ئازاد ئا سووریێ، ئیرۆ ئێریشێ گونده‌وارێ تل ته‌مرێ كر و زرارێن جانی ب ئارته‌شا ره‌ژیما سووریێ خستن.
ئیرۆ رۆژا شه‌می 9/11/2019ان دۆڤه‌لانكێن تركیێ جه‌بهه‌ت ئه‌ل نوسره و ئارته‌شا ئازاد ب چه‌كێ گران ئێریشی گوندێن قه‌بر سه‌غیر و ئوم شه‌عفه یێن سینۆرێ باژارۆكێ تل ته‌مرێ كر.
ئێریشێ 2 ناڤه‌ندێن هه‌ركه‌تێن ئارته‌شا ره‌ژیما سووریێ هه‌دف كر و زرارێن جانی پێره خستن.
هه‌موه‌ختا ئێریشا دۆڤه‌لانكێن تركیێ، باله‌فرێن جه‌نگی ئێن بێ پیلۆت كاروانه‌كه ئه‌ره‌به‌یێن ئارته‌شا ره‌ژیما سووریێ ل گوندێ درداره یێ سینۆرێ تل ته‌مرێ بۆردۆمان كر كو چه‌كێن گران تێده هاتبوون هلگرتن.
ل گۆر لهه‌ڤاتنا هێزێن سووریایا ده‌مۆكراتیك هه‌سه‌ده و دیمه‌شقێ كو ل 13 جۆتمه‌ها رابووری ل وه‌ختا ئێریشا داگیركاریا تركیێ ل سه‌ر رۆژئاڤا هاتبوو ئیمزه كرن، هێزێن سووریایا ده‌مۆكراتیك ژ چه‌ندین ناڤچه‌یێن هه‌رێما ئه‌وله‌هیێ هاتبوون ڤه‌كشاندن، ئارته‌شا سووریێ ل ناڤچه‌یێ به‌لاڤه‌بوو.
هه‌یا نها چه‌ندین جاران هه‌ره‌كه‌تێن ئارته‌شا ره‌ژیما سووریێ بوونه هه‌ده‌فا ئارته‌شا داگیركار ئا ترك و چه‌ته‌یێن وێ ژ جه‌بهه‌ت ئه‌ل نوسره و ئارته‌شا ئازاد.
