ب سەدەما تۆفانێ پێتری 2 ملیۆن کەسان ئاوارە بوون

2019-11-10
in جیھان
ب سەدەما تۆفانێ پێتری 2 ملیۆن کەسان ئاوارە بوون

پێتری 2 ملیۆن کەسان ل هندستانێ و بەنگلادشێ ب سەدەما گهشتنا تۆفانا بۆلبۆل ژ جیێن وان هاتن ڤەگوهاستن.

ئەڤ تۆفانە ئێڤارا دوهـ گهشت گراڤا ساگر، ل بەنگالا رۆژئاڤایا هندستانێ و هات پێشبینی کرن کو بلنداهیا مەوجێن ئاڤێ بگەهە 2 مەتران.

ل گۆرەی چاڤکانیان هەیا نها 2 کەسان جانێ خوە ژ دەست دایە.

خزمەتگۆزاری د پرانیا بالەفرخانە و بەندەرێن نێزی تۆفانێ ل هندستانێ و بالەفرخانەیا پر هاتن و چوونا ناڤدەولەتی یا کلکتە هاتینە سەکناندن.

دو بەندەرێن مەزن یێن بەنگلادش ب ناڤێن مۆنگلا و چیتاگۆنگ ژی هاتن قەپات کرن و فرین ل بالەفرخانەیا چیتاگۆنگ ژی هاتن سەکناندن.

دەسهلاتدارێن هندستانێ راگهاندیە کو کەشتی و بالەفرێن سوپایێ هندستانێ د ئامادەنە ژبۆ گهاندنا ئالیکاریان د دەمێ پێویست دە.

بەراڤێن بەنگلادش هەرتم دکەڤن بەر ئێریشێن لەهی و تۆفانان لێ ل سالێن رابووری دە بەنگلادش کاریە ئامارا قۆربانیان ب سەدەما تۆفان و لەهیان کێم بکن.

[mpc_carousel_image preset=”mpc_preset_10″ loop=”true” speed=”500″ layout=”fluid” enable_force_height=”true” force_height=”450″ images=”1010711,1010712″ gap=”10″ start_at=”1″ image_size=”large” image_opacity=”100″ image_hover_opacity=”100″ mpc_navigation__preset=”mpc_preset_13″ mpc_navigation__padding_divider=”true”]

پوستێن ھەمان بەش