هەفتەنامەیا «فۆرن پۆلیسی» د راپۆرەکێ دە تەکەز دکە پلانێن داگیرکاریا ترکیێ ل سووریێ بەشەکن ژ پرۆژەیا وێ ئا ستراتیژی و دەم درێژ ژ بۆ گۆهەرینا دیمۆگرافیایا رۆژهلاتا ناڤین، کو دەستپێکا ڤێ سیاسەتێ ڤەدگەرە ژ بۆ سەردەما ئیمپراتۆریەتا عۆسمانیان.
د راپۆرێ دە هاتیە: یەک ژ وان ئەگەرێن کو بووینە سەدەما وێ یەکێ کو پرانیا دەولەتێن جیهانێ ئیدانەیا ئێریشا داگیرکاریا ترکیێ بۆ سەر سووریێ «رۆژئاڤا کوردستانێ» بکن ئەڤە کو ئەردۆگان دخوازە ب رێیا ب زۆر نێشتەجێ کرنا 1 ملیۆن تا 2 ملیۆن پەنابەرێن سووری کو نها ل ترکیێ دژین ل سەر سینۆرێ د ناڤبەرا خوە و سووریێ دە، دیمۆگرافیا ناڤچەیێ ب گوهه‌رینه.
د درێژاهیا راپۆرێ دە هاتیە کو یێن رەخنەیان ژ ئەردۆگان دگرن، ئەردۆگان ب ڤێ یەکێ سووچبار دکن کو »ئاندازیاری دیمۆگرافی» وەکە سیاسەتەک بکار دئینە ژ بۆ گۆهەرینا دیمۆگرافیا ناڤچەیێ، ئەڤ یەک ژی ب رێیا ب زۆر نیشتەجی کرنا پەنابەران و هەولێن قرکرنا نەتەوەئی یا کوردان ل سینۆرێ د ناڤبەرا خوە و سووریێ دە، هەلبەت ئەڤ یەک ب بەهانەیا شەرێ ل دژی پەکەکێ کو ل ئەنقەرێ وەکە شەرێ دژە تەرۆرێ دهێت ناڤکرن.
فۆرن پۆلیسی دۆپات دکە کو هەولدانێن نها یێن ئەردۆگان درێژە پێدەرێن دیرۆکەکە پر درێژە کو خوە د ب زۆر کۆچ پێ کرنا گەل دە دبینە، کو د دەما خوە دە عوسمانیان ژی ئەڤ سیاسەتە بکار دئینا و تا نها ژی د شیان دە نینە کێنجا وێ سیاسەتێ ل باکوورێ رۆژهلاتا سووریێ مەهڤ بکن.
ئەڤ كۆڤار ژ بۆ ئیسبات کرنا ئاخافتنا خوە میناکەک زیندی بکار دئینە ئەڤ میناک ژی ئەڤە «ل سەر دەما ئیمپراتۆریەتا عۆسمانی دە رۆنشتڤانێن ئانادۆلێ هاتن ڤەگوهاستن ژ بۆ بالکانێ، و ل ور نێشتەجێ کرن تاکو دەستهلاتا عۆسمانیان بجی بکن. هەر وها رەڤینا پەنابەرێن مۆسلمان ژ قر کرنا نەژادی و وان دادگەهـ کرنێن دەستهلاتدارێ عۆسمانیان ل بالکان، قەفقاز و کریمیا ئەنجام ددان».
