رۆژنامەیا فاینانشیال تایمز د داوی وەشانا خوە دە راگهاندیە کو پاش دژوار بوونا ئاگرێ تۆرەئیا گەلێ سووریێ د شۆرشا ڤی ولاتی دە، ئەسەد بەشەکە مەزن ژ سەروەت و سەرمایا خوە ڤەگوهاستیە رووسیێ و ل پایتەختا ڤی ولاتی دە مژوولی کرین و فرۆشتنا تاوەر، شۆقە و مولک و مالی یە.
ل گۆر ڤێ رۆژنامەیێ، ئەسەد هەری کێم 18 شوقەیێن هەری گران بەها ل تاوەرەکی ل باژارێ کاپیتال ئێ رووسیێ کرینە داکو ب ڤێ یەکێ بەشەکێ ژ پەرەیێن خوە ل دەرڤەی سووریێ بکار بینە و ب ڤێ یەکێ وان پەرەیان ژ مەترسیێن شەرێ سووریێ دوور بکە.
هنەک ژ کەسێن مالباتا ئەسەد ژ وان پسمام و کور مەتێن وی ب مەرەما ڤەشارتنا ڤێ کەیسێ، د 6 سالێن رابووری ده دەست ب کرینا هەری کێم 20 شوقەیان کریە ب رێیا سلفەیێن تایبەت ب شرکەتان ل دەرڤەی ولاتی کو دگەهن نێزی 20 هەیا 40 ملیۆن دۆلارێن ئەمەریکی، ئەڤ یەک ئیسبات دکە کو ئەڤ مالباتە ژ بلی کو هنەک رێیێن دن ئێن تایبەت ژ بۆ شکاندنا وان دۆرپێچێن ئابووری یێن ل سەر خوە بکار دئینن، مژوولی بزنس کرن ب پەرەیێن مالباتا ئەسەدن ل دەرڤەی سووریێ دە.
د داویێ دە فاینانشیال زەلال کریە بەرفرەهـ بوونا تێکلیێن ئابووری یێن د ناڤبەرا سووریێ و رووسیێ دە، بوویە سەدەما بهێزکرنا قەیۆمیەتا رووسیا ل سەر سووریێ د بیاڤێن جودا جودا وەکە بیاڤێ سیاسی و ئابووری دە.
