هه‌ڤپه‌یمانێتیا ناڤنه‌ته‌وه‌ئی ئا ل دژی رێخستنا دائیشێ، ئیرۆ 120 ئه‌ره‌به‌یێن له‌شكری و زرێپۆشێن خوە ژ بنگەھا سرین ئا ل رۆژئاڤا كوردستانێ ڤه‌كشاندن.
مه‌دیا نێزی ھێزێن سووریا دەمۆکراتیك هه‌سه‌دێ، ئیرۆ رۆژا چارشه‌می 13/11/2019ان دیار كر، ھەڤپەیمانێتیا ناڤنه‌ته‌وه‌ئی نێزی 120 ئه‌ره‌به‌یێن له‌شكری و زرێپۆشێن خوە ژ بنگەھا سرین ژ باشوورا کۆبانێ ڤەکشاندن و ئەڤ کاروان ب رێیا M4و ناڤه‌چه‌یێن دن ل رۆژئاڤا کوردستانێ ڤاکشیانە.
مه‌دیا نێزی هه‌سه‌دێ ئاماژه دكه كو پشتی ڤەکشانا وان ئه‌ره‌به و زرێپۆشان دەنگێ تەقینەکە بھێز ل بنگەھا سرین ھاتیە بھیستن کو دبه هه‌ڤپه‌یمانان پشتی خوە ڤەکشاندنێ، ئەو بنگەھ تەقان دبە.
بنگەھا سرین ل کۆبانێ، مەزنترین بنگەھا له‌شكری یا هه‌ڤپه‌یمانێتیا ناڤنه‌ته‌وه‌ئی بوو ل رۆژئاڤا کوردستانێ و بەرێ ژی هه‌ڤپه‌یمانان، پشکەکە دن ژ کەرەستەیێن له‌شكری ژ وێ بنگەھێ ڤەکشاندبوون.
