ل كۆمارا ئیسلامی ئا ئیرانێ كو ب ولاتێ ویلایه‌تا فه‌قیهـ و ئایه‌توللاهان تێ ناسكرن، 40 ملیۆن كه‌س هه‌نه كو ل بن خه‌تا هه‌ژاریێ، ژیانه‌كه هه‌ری دژوار ده‌رباس دكن.
جهگرێ سەرۆکێ کۆمیسیۆنا ئالیکاریا ئیرانی، ئامارا هەژاریێ د ئیرانێ دە ب 16 ملیۆن کەسان ده‌ست نیشان كر کو ژ بۆ ئالیکاریکرنا وان، په‌ره‌یه‌كێ هه‌ری مه‌زن پێویسته وه‌كه‌و ئه‌ڤ سازی دبێژه: ده‌وله‌تێ بودجه‌یه‌ك ژ بۆ ته‌سبیت كر لێ، 11 هزار ملیار تومه‌ن کۆرتهێنان تێده هه‌یه.
ئەڤ یەک د دەمەکێ ده‌یە کو پارلەمانتارێن ئیرانێ پر جاران ئامارا هەژاران ب 40 ملیۆن کەسان ته‌سبیت كرنه.
ل گۆرەی پێگەها ئیسنا ل رۆژا چارشەمی 13/11/2019، حسێن سەمسامی د مەراسیما دەست ژ کار کشاندن و دەست بکارکرنا رێڤەبەرێ گشتی یێ کۆمیسیۆنا ئالیکاریکرنا تەهرانێ ده، راگهاند 23٪ ژ بەرهەمێ ناڤخوە ل تەهرانێ، و 14٪ ژ پارێزگەها خۆزستانێ بەرهەم تێ، و ئەڤ 2 باژارە د ڤی واری ده ل رێزا یەکەم و دویەم تێن.
ل گۆرەی ئاخافتنا سەمسامی هەموو کەسێن ل بن خەتا هەژاریێ دە دژین ل بن چاڤدێریا سازیێن تایبەت ب ئالیکاریان ده نینە و ب تەنێ 20٪ هەیا 24٪ ژ وان کەسان د بن چاڤدێریا سازیێن تایبەت ب ئالیکاریا هەژاران ده نە.
پێش نها، رەسۆل خزری، ئەندامێ پارلەمێنتۆیا ئیرانێ، راگهاند بوو: د نها ده ب ویرەکی دکارم ببێژم پێتر ژ 40 ملیۆن ئیرانییان ل بن خەتا هەژاریێ دە ژیان دکن. گەرەکە ئەم ڤان ئاماران قەبوول بکین، چما ئەم دخوازین د ئاماران دە ژی درەوان ل خوە بکین؟.
