سووریێ له‌شكران دشینه‌ سه‌ر سینۆر

ئارته‌شا سووریێ ل سینۆر تێ به‌لاڤه‌كرن

ئارته‌شا سووریێ ئیرۆ هێزا خوه‌ ل سینۆرێ ب تركیێ ره‌ زێده‌ كر و له‌شكر و ئالیه‌ت ل ناڤچه‌یێن تربه‌سپیێ و چلاخا به‌لاڤه‌ كرن.

ل گۆر چاڤكانیێن رۆژئاڤا كوردستانێ، ئیرۆ رۆژا پێنجشه‌می 14/11/2019ان هه‌ژماره‌كه‌ له‌شكر و ئالیه‌ت و ئه‌ره‌به‌یێن ئارته‌شا سووریێ ل سینۆرێ ب تركیێ ره‌ ب تایبه‌ت ل ناڤچه‌یێن باژارۆكێ تربه‌سپیێ، چل ئاخا و دێركێ هاتن به‌لاڤه‌ كرن.

هات راگهاندن ئارته‌شا سووریێ ناڤه‌ندێن خوه‌ ل گوندێ تلزیوان ئێ گرێدای قامشلۆیێ و هه‌موه‌خت گوندێ ئێندیوه‌رێ ئێ گرێدای دێركێ.

ئاژانسا فەرمی یا ھکوومەتا سووریێ ژی ده‌ست نیشان كر کو ل سینۆرێ ب ترکیێ رە، ژ باژارێ

چل ئاخا تا دێرکێ ل رۆژڤا کوردستانێ ھێزێن سینۆرپارێز بەلاڤبوونە.

 سانایێ هه‌ر وها ئه‌شكه‌ر كر كو ئەو ھێز وێ ل شەش خالان ب درێژاھیا 60 کیلۆمەترویان ب سینۆرێ ترکیێ رە بجی ببن.

هێزێن سووریایا ده‌مۆكراتیك و ره‌ژیما سووریێ ل 13 جۆتمه‌ها ئیسالێ ب ناڤگینیا رووسیا فه‌ده‌رال لهه‌ڤهاتن كو هێزێن ئارته‌شا سووریێ ل ناڤچه‌یێن هه‌سه‌دێ وه‌رن به‌لاڤه‌كرن، به‌لاڤه‌كرنا هێزان ئا ئیرۆ ژی د چارچووڤه‌یا وێ لهه‌ڤهاتنێ ده‌ تێ.