خوه‌پێشاندانێن ئیراقێ ئیرۆ بۆ رۆژا 21ان به‌رده‌وام كرن، خۆرتان ژی د گۆتن كو خوه 40 سال ده‌رباس ببن، ئه‌مێ ژ ڤر نه‌چن.
خۆرتێن ئیراقێ ل به‌خدا ئا پایته‌خت و هه‌ژماره‌كه پارێزگه‌هیێن دن، ل سه‌ر خوه‌پێشاندانێن خوه به‌رده‌وامن، ئیرۆ ژی بۆ رۆژا 21ان وان سلۆگانێن ل دژی هكوومه‌تا فه‌ده‌رال به‌رز كرن و د گۆتن: ئه‌مێ ژ ڤر نه‌چن خوه هه‌گه‌ر 40 سال ده‌رباس ببن.
ئیرۆ رۆژا پێنجشه‌می خوه‌پێشاندانان ل به‌خدایێ، زیقار و به‌سرا به‌رده‌وام كرن، 2 خوه‌پێشانده‌ر هاتن كوشتن و پێتری 30 خوه‌پێشانده‌رێن دن بریندار كه‌تن، قوربانی ئێن بۆمبێن گازا رۆندك رێژ بوون، هه‌موه‌خت ته‌قه‌یا راسته‌راست ئا پۆلیسان و هێزێن ئه‌وله‌هیێ.
كۆمسیۆنا مافێن مرۆڤان ئا ئیراقێ ئه‌شكه‌ره كر كو ژ ده‌ستپێكا پێلا نه‌رازیبوونێ ل 25 جۆتمه‌ها ئیسالێ، پێتری ژ 310 خوه‌پێشانده‌ران هاتنه كوشتن و پێتر ژ 15 هزار برینداران كه‌تنه.
هكوومه‌تا فه‌ده‌رال هنه‌ك بریار ژ بۆ چاكسازیان ده‌رخستنه لێ به‌لێ نه‌بوونه سه‌ده‌ما ئارامكرنا جاده‌یا ئیراقێ و خوه‌پێشانده‌ر ل سه‌ر هلوه‌شانا هكوومه‌تێ و گوهه‌رتنا په‌رگالا برێڤبرنا ولات رژدن.
