گره‌ڤا وه‌زیفێ و كاران ئیرۆ ل 4 پارێزگه‌هێن ئیراقێ ده‌ستپێكر و مومكینه ژ بۆ هه‌موو باژارێن خوه‌پێشاندان تێده وه‌ره ئیلان كرن.
ل ئیراقێ موقتەدا سەدر پێشەنگێ تەڤگەرا سه‌در بانگ ل کارمەندان کر رۆژا یه‌كشه‌می 17/11/2019ان پشتگریا خوەپێشانده‌ران بكن و گرەڤا گشتی ئیلان بكن، ل سەر ڤێ بانگەوازیێ ئیرۆ ل 4 باژارێن باشوورێ ئیراقێ گره‌ڤ هات ئیلانکرن و كارمه‌ند نه‌چوونه سازیێن ده‌وله‌تێ.
سەدری پێشەنگێ سیاسی و ئۆلی یێ شیعە، ل سەر ھەسابا خوە ئا تویته‌رێ داخویانیا نڤیسکی دا و گۆت: ھەکە ده‌رفه‌ت ژ ده‌ست بچه ولات وێ ووندا بە، وەلاتێ من ژ خەباتێ گرینگترە و خوەست کو کارمەندێن دەولەتێ رۆژا یەکشەمێ گرەڤا گشتی بکن.
سەدر دیار کر کو سەکتۆرا ساخله‌میێ گره‌ڤێ ناكن.
پشتی بانگەوازیا سەدر، پارێزگه‌هیا دیوانیە، میسان، زیقار و بابلێ ئیرۆ گره‌ڤ گرتن و كارمه‌ندێن وان به‌رێ خوه نه‌دان سازیێن ده‌وله‌تێ.
ل ئیراقێ ل چەندین پارێزگه‌هیان ژ بۆ پرۆتەستۆکرنا بێکاری، گەندەلی و کێماسیا خزمەتێن دن، خوەپێشاندان تێن ل دارخستن.
