پارتیێن سیاسییێن مەجلسا ئیراقێ داخویاندن ھەکە ھکوومەت د ناڤ 45 رۆژان ده رەفۆرمێن د ناڤ داخوازێن خوەپێشانده‌ران ژی ھەنە نەکە، ئەوێ باوەریێ ژێ ڤەبکشینن و بریارا ھلبژارتنا به‌روه‌خت ئیلان بکن.
دوھ شەڤێ دەرەنگ 18/11/2019ان ل بەخدایێ نوونەرێن هه‌ڤپه‌یمانێتیێن فەتھ، نه‌سر، کۆالیسیۆنێن دەولەتا قانوونێ، پارتیێن سونیان و کوردان و نوونەرێن ئەنیا ترکمەنێن ئیراقێ، ل ئاڤاھیێ پارتیا ئه‌ممار ئەل ھەکیمێ سەرۆکێ تەڤگەرا ھکمە یا نەتەوەئی ھاتن بال ھەڤدو و ل سەر داخوازێن خوەپێشانده‌ران ئاخڤین.
د داخویانیا وان ئا ھەڤپار ده ھات گۆتن دڤێ د مژارێن وەک نووکرنا کابینەیێ، وەزیفەدارکرنێن ژ دووری ھزبچیتیێ، ئەندامێن کۆمیسۆنا ھلبژارتنێ وه‌رن ده‌ست نیشان كرن و دڤێ ژ کەسێن سەربخوە بێن ھلبژارتن و د قانوونا ھلبژارتنا نوو ده رەفۆرم بێن کرن.
ھات گۆتن ژ بۆ ڤان رەفۆرمان 45 رۆژ دەم ژ ھکوومەتێ و سەرۆکوەزیر ئادل ئەبدولمەھدی را ھاتیە دایین.
داخویانیێ وھا دەوام کر: ھەکە مەجلس و ھکوومەت ڤان رەفۆرمان د ناڤ ڤێ دەمێ ده نەکە، رایا باوه‌ری وێ ژێ وه‌ره ڤه‌کشاندن و بریارا ھلبژارتنا به‌روه‌خت وێ بێ ئیلانکرن.
