رۆهانی سه‌ركه‌تنا ره‌ژیمێ ل سه‌ر خوه‌پێشاندانان رادگهینه‌

رۆهانی سه‌ركه‌تنا ره‌ژیمێ ل سه‌ر خوه‌پێشاندانان رادگهینه‌

سه‌رۆككۆمارێ ئیرانێ ئیرۆ سه‌ركه‌تنا هكوومه‌تا خوه‌ ل سه‌ر پێلا نه‌رازیبوون و خوه‌پێشاندانان راگهاند و گۆ كو «دژمنێن گه‌ل ئاگرێ خوه‌پێشاندانێ هه‌لكربوو».

هه‌سه‌ن رۆهانی ئیرۆ رۆژا چارشه‌می 20/11/2019ان، سه‌ركه‌تنا هكوومه‌تێ ل سه‌ر پێلا خوه‌پێشاندانێن ئیرانێ و رۆژهلاتا كوردستانێ راگهاند و گۆ كو «دژمنێن ئیرانێ ئاگرێ ئه‌ڤێ خوه‌پێشاندانێ خوه‌ش دكر».

رۆهانی دبێژه‌: «گه‌لێ ئیرانێ جاره‌كه‌ دن ئه‌زموونه‌كه‌ دیرۆكی كر و ئه‌و یه‌ك نیشانی دژمن دا كو ئه‌و رێناده‌ پیلانێن وان سه‌ربكه‌ڤن».

خوه‌پێشاندانێن ئیرانێ ل رۆژا ئینیا رابووری ل هنه‌ك ناڤچه‌یێن ئیرانێ ده‌ست پێ كربوون، پشتره‌ ل رۆژا شه‌می دژوار بوون، خوه‌پێشاندان ب سه‌ده‌ما به‌رزبوونا بهایێ په‌نزینێ ده‌ركه‌ت بوون.

ل گۆر ئامارێن رێخستنێن مافێن مرۆڤان، ته‌نێ ل رۆژهلاتا كوردستانێ ب ده‌هان ولاتی هاتنه‌ شه‌هید كرن و 300 ژی بریندار كه‌تنه‌، هه‌موه‌خت هێزێن ئه‌وله‌هیا ره‌ژیما ئیسلامی، ب سه‌دان خوه‌پێشانده‌ر ل باژارێن ئیران و رۆژهلاتا كوردستانێ بنچاڤ كرن.