وه‌زیرێ به‌رگریا تركیێ ئیرۆ ل ده‌ربارا رۆژهلاتا فراتێ داخوه‌یان دا و وها گۆت: «هه‌رێما ئه‌وله‌هیێ ل رۆژهلاتا فراتێ ب كووراتی 30 كم و درێژاهی 145 كم هاتیه پێكانین.
وه‌زیرێ به‌رگریا تركیێ هولۆسی ئاكار ئیرۆ رۆژا پێنجشه‌می 21/11/2019ان د داخۆیانیه‌كێ ده هنه‌ك مژارێن باكوورێ سووریێ و نیقاشا ب رووسیا فه‌ده‌رال ڤه و هه‌موه‌خت هه‌ره‌كه‌تێن ل باكوورا سووریێ نرخاندن و وها ئاخڤی: ئارته‌شا تركیێ هه‌رێما ئه‌وله‌هیێ ل رۆژهلاتا فراتێ ئا باكوورا سووریێ ب كووراتی 30 كم و درێژاهی 145 كم هات پێكانین.
دا زانین تەڤی کو ل ھوندر ھنەک بەرمایی مانە وه‌كه ئاماژه ژ بۆ هێزێن سووریایا ده‌مۆكراتیك هه‌سه‌ده، لێ ب گشتی ناڤچه‌یا هه‌ره‌كه‌تێ ھاتیە پاقژکرن.
ھولوسی ئاکار دا خوه‌یا کرن، ژ رۆژھلات و رۆژئاڤایێ ھەرێما ئۆپەراسیۆنێ ئێریش تێن کرن، لێ ئەو دوقات بەرسڤا وان د دن.
وه‌زیرێ به‌رگریا تركیێ ھەروھا رەد کر، کو ئارته‌شا ترکیێ د ئێریشا ل سەر رۆژئاڤایێ کوردستانێ چەکێن کیمیایی بکار ئانیبە و گۆت: «مە ت چەکێن کیمیایی یان تەقەمەنیێن کو ب پەیمانێن ناڤدەولەتی ھاتنە قەدەخەکرن، بکار نەانینە«.
ئێریشا ترکیێ ل سەر رۆژئاڤا کوردستانێ و باکورێ رۆژھلاتێ سووریێ د 9ێ جۆتمەھا 2019ان دە دەستپێکر، و د وێ ئێریشێ دە ھەردو باژارێن سەرێ کانیێ و گرێ سپی کەتنە بن کۆنترۆلا ئارته‌شا ترکیێ و گرۆپێن چەکدارێن گرێدایی وێ.
