ئالیکارێ سەرۆکێ ئه‌مه‌ریكایێ مایك پێنس دبێژە: «گەلێ ئیرانێ ژ بۆ پرۆتەستۆیێ دەردکەڤن کۆلانان، لێ ئایەتولاھێن تەھرانێ توندیێ دکن و گەلێ خوە دپەرچقینن، پەیاما دەولەتێن یەکبوویی ئەشکەرەیە گەلێ ئه‌مه‌ریكایێ د گەل گەلێ ئیرانێ یە.«
ئالیکارێ سەرۆکێ ئه‌مه‌ریكایێ مایك پێنس راگهاند کو واشینگتۆن پشتگریێ د دە خوەپێشاندانێن ل ئیرانێ دهێن ئەنجام دایین پاش قەیرانا بەنزینێ دەستپێکری و بووی سەدەما نەرازی بوونان.
تەھرانێ ئه‌مه‌ریكا پرۆتەستۆ کربوو کو ئەو تێکلی مژارێن وان یێن ناڤخوە دبن، لێ پشتی ڤێ ئالیکارێ سەرۆکێ ئه‌مه‌ریكایێ مایك پێنس ل سەر هه‌سابا خوه ئا تویتەرێ پەیامەک وەشاند و پشتگری دا خوەپێشاندانێن گەلێ ئیرانێ.
پێنس د پەیاما خوە دا وھا گۆت: «ئیرانی ژ بۆ پرۆتەستۆیێ دەردکەڤن کۆلانان، ئایەتولاھێن تەھرانێ ژی توندیێ دکن و گەلێ خوە دپەرچقینن، پەیاما دەولەتێن یەکبوویی ئەشکەرەیە كو گەلێ ئه‌مه‌ریكایێ ل گەل گەلێ ئیرانێیە«.
ژ ھێلا دن ل گۆر نووچەیێن د چاپەمەنیا ئه‌مه‌ریكایێ ده ھاتن وەشاندن کەشتییا ئه‌مه‌ریكایێ ئه‌براھام لینكۆلن پشتی 6 مەھان جارا ئەول ل سەر تەئلیماتێن قەسرا سپی رێ کەت کو ھەرە کەنداڤا بەسرایێ.
وەزیرێ کارێن دەرڤه یێ ئەمەریکایێ مایک پۆمپێیۆ ل سەر ھەسابا خوە ئا تویتەرێ دەر بارێ خوەپێشاندانێن ل ئیرانێ ده وھا گۆتبوو: «ئه‌مه‌ریكا وە دبیھیزە، ئه‌مه‌ریكا پشتگریێ د دە وە، ئه‌مه‌ریكا ل گەل وەیە«.
پشتی ڤێ پەیاما پۆمپێیۆ، ئیرانێ گۆتبوو واشینگتۆن مداخالەیا کارێ وان ئێن ھوندر دکە و مارکۆس لەتنەرێ بالیۆزێ تەھرانێ یێ سویسرەیێ کو کارێن دیپلۆماتیکێن ئه‌مه‌ریكایێ ل ئیرانێ دکە گازی وەزارەتا کارێن دەرڤه کربوو.
د 15ێ مژدارێ دە ژ بەر کو سێ قات بهایێ بەنزینێ ل ئیرانێ ھات زێدەکرن، خوەپێشاندانان دەست پێ کر و د خوەپێشاندانان ده گەلەک ئاڤاھیێن بەنکێن ئیرانێ ھاتن شه‌وتاندن.
ڤان خوەپێشاندانان باژار و باژارۆکێن رۆژهلاتێ کوردستانێ ژی ب خوەڤە گرتن و رێخستنا هەنگاو بۆ مافێن مرۆڤان د ئامارێن خوە ئێن تایبەت ب خوەپێشاندانێن رۆژهلاتێ کوردستانێ دە راگهاند بوو کو پێتری 300 کەسان ل رۆژهلاتێ کوردستانێ هاتنە دەستەسەر کرن و پێتری 45 کەسێن دن ژی هاتینە کوشتن.
