باله‌فرێن F35 وێ تركیێ راستی جه‌زایێن ئه‌مه‌ریكایێ بكه‌

باله‌فرێن F35 وێ تركیێ راستی جه‌زایێن ئه‌مه‌ریكایێ بكه‌

ھکوومەتا تركیێ دبێژه‌: «ھەگەر ئەو نەکاربن ژ ئه‌مەریکایێ باله‌فرێن F35ان بکرن،وێ نه‌چار بمینن ل بەدیلێن دن بگەرن»، ئه‌ڤ داخوه‌یان ئاماژه‌یه‌ك زه‌لاله‌ ژ بۆی كرینا باله‌فرێن رووسیایی.

وەزیرێ پاراستنا نه‌ته‌وه‌ئی یێ ترکیێ ھولوسی ئاکار د هه‌ڤدیتنه‌كه‌ مه‌دیایی ده‌ ئه‌شکەرە کر، تركیه‌ به‌شدار كۆمیتا ولاتێن هه‌ڤپار ئا چێكرنا باله‌فرێن جه‌نگی F35ان، لێ به‌لێ هه‌گه‌ر ئه‌مه‌ریكا رازی نه‌به‌، باله‌فران ب تركیێ ره‌ بفرۆشه‌، وی چاخی تركی وێ نه‌چار به‌ به‌رێ خوه‌ بده‌ رووسیایێ ژ بۆ دابینكرنا پێویستیا خوه‌ ژ باله‌فرێن جه‌نگێ.

ئاكار دبێژه‌: وان پێشتر خوه‌ستن سیستەمێن به‌رگریا ئاسیمان ئا ب ناڤێ «پاتریۆت» بکرن، لێ به‌لێ وه‌ختا سه‌ركه‌تن د ڤێ بابه‌تێ ده‌ چێنه‌بوو، وان به‌رێ خوه‌ دانه‌ رووسیایێ و سیسته‌ما S-400 كری.

وه‌زیرێ ترك ده‌ست نیشان كر كو دڤێ ھەموو کەس بزانە، ھەگەر ئەو نەکاربن باله‌فرێن F35ان ژ ئه‌مەریکا بکرن، وێ نەچار بمینن ل بەدیلێن دن بگەرن.

بەرپرسەکی ئه‌مەریکایێ دوهـ رۆژا ئینی راگھاندبوو، دڤێ ترکیە خوە ژ سیسته‌ما S-400 خه‌لاس بکە، ھەگەر نا، بژاردەیا جەزاکرنا ترکیێ ل به‌رده‌سته‌.