ئالیكارێ سه‌رۆكێ ویلایه‌تێن یه‌كبووی ئێن ئه‌مه‌ریكایێ ئێڤارا ئیرۆ ب سه‌ردانه‌كێ گها به‌خدا ئا پایته‌ختا ئیراقا فه‌ده‌رال و ئه‌ڤ سه‌ردان ئا بێ هایداری رایه‌دارێن ئیراقێ چێبوویه.
مایك پێنس ئێڤارا ئیرۆ رۆژا شه‌می 23/11/2019ان گهیشت به‌خدا ئا پایته‌ختا ئیراقێ ژ بۆ هه‌ڤدیتنا هیزێن له‌شكری ئێن ئارته‌شا ولاتێ خوه ئه‌مه‌ریكایێ كو ل ناڤچه‌یا ئه‌ین ئه‌ل ئه‌سه‌د ئا رۆژئاڤا ئیراقێ جی دگرن.
ئه‌ڤ سه‌ردانا پێنس هه‌موه‌ختا برێڤه‌چوونا پێله‌كه دژوار ئا خوه‌پێشاندانان ل به‌خدایێ و 9 پارێزگه‌هیێن دن تێ كو گه‌لێ نه‌رازی لادانا هكوومه‌تێ دخوازه.
سه‌رۆكێ ئه‌مه‌ریكایێ دۆنالد ترامپ ل داویا سالا رابووری 2018ان ب نهێنی سه‌ردتانا به‌خدایێ كر و ل گه‌ل ئارته‌شا ولاتێ خوه جڤیا بوو، پشتره و بێی هایداریا به‌رپرسیارێن ئیراقێ جاره‌كه دن به‌ر ب ئه‌مه‌ریكایێ ب رێ كه‌ت.
