ره‌وشا ئیراقێ پشتی 37 رۆژێن خوه‌پێشاندانان پڕ خه‌ته‌ره‌

ره‌وشا ئیراقێ پشتی 37 رۆژێن خوه‌پێشاندانان پڕ خه‌ته‌ره‌

خوەپێشاندان ل پارێزگەھێن باشوور و ناڤه‌راستا ئیراقێ د دۆمن و جارەکە دن ئالۆزیێ دەست پێ کر، خوه‌پێشانده‌ران ب دۆلابێن ئاگر پێ خستی كۆلان و رێكێن سه‌ره‌كه‌ داخستنه‌.

خوه‌پێشاندانێن ئیراقێ ئیرۆ رۆژا چارشه‌می 27/11/2019ان بۆ رۆژا 36ان ده‌وام دكه‌ن، ل پارێزگه‌هێن به‌غدا، به‌سرا، نه‌جه‌ف، كه‌ربه‌لا، دیوانیێ، بابلێ خوه‌پێشاندان هه‌نه‌ و گه‌لێ نه‌رازی ل مه‌یدان و قادێن سه‌ره‌كی كۆمبوونه‌، پۆلیس و هێزێن ئه‌وله‌كاریێ ژی ب ته‌قه‌یا راسته‌ راست چه‌ندن خوه‌پێشانده‌ر بریندار كرنه‌.

ل ناڤه‌ندا باژارێ به‌غدا یێ پایته‌ختا ئیراقێ، دگه‌ل به‌رده‌وامبوونا خوه‌پێشاندانان، هێزێن ئه‌وله‌هیێ 2 خوه‌پێشانده‌ر ب ته‌قه‌یا راسته‌ راست كوشتن.

خوەپێشانده‌ران ئاڤاھیا شارەداریا پارێزگەھا نەجف گرت، ھەر وھا خوەپێشانده‌رێن دن ب دۆلابێن ئاگر پێخستی رێیێن سەرەکە یێن پارێزگەھێ گرتن.

ل كه‌ربه‌لایێ خوەپێشانده‌ران گەلەک کۆلانێن سەرەکە و بازرگانیێ، کۆلانا دەریبێ، ئیسکان، ئەل جاییر و سەناترێن ل ناڤەندا باژار قوت کرن.

هه‌موه‌خت ل پارێزگەھا دیوانیێ خوەپێشانده‌ران ناڤەندا ھێزێن ھکوومەتێ دۆرپێچ کر، ل پارێزگەھا بەسرایێ ژی پرا ئیتالی قوت کرن، ل بەسرایێ ئەڤ چەند رۆژە ھەموو رێیێن سەرەکە یێن دچن ناڤەندا پارێزگەھێ، قوتکرینه‌.

چاڤکانیەکی ئەولەھیێ ژ پۆلیسێن بابلێ دیار کر کو 15 ئەندامێن ژ ھێزێن ئەولەھیێ یێن ئیراقێ د ھەولدانا خوەپێشانده‌رێن ئێرشکرنا ناڤەندێن ئەولەھیێ دە بریندار بوون.