لێندسی گراهام: ئیرانێ هنەک رۆژێن کێم مانە

لێندسی گراهام: ئیرانێ هنەک رۆژێن کێم مانە

لێندسی گراهام، سیناتۆرێ کۆماری خوازێ ئەمەریکا دوهـ شەڤ 26/11/2019ان د کارڤەدانا گۆتنێن حسێنسەلامی، فەرماندارێ سپایێ پاسدارێن ئیرانی سەبارەت ئەمەریکا و هەڤپەیمانێن وێ ل ناڤچەیێ راگهاند، رەژیما ئیرانێ ب تەنێ هنەک رۆژێن کێم یێن ژیان کرنێ مانە.

سیناتۆر لێندسی گراهام، رۆژا سێشەمی ل سه‌ر هەسابا خوە یا تویتەرێ ئاماژە ب رابه‌رێ شۆرشا ئیسلامی یا ئیرانێ ئایه‌توللا عەلی خامەنەئی راگهاند، بەرەڤاژی وێ ئا حسێن سەلامی دبیژە، مەزنترین گەف ل سەر گەلێ ئیرانێ، نە حکوومەتا ئەمەریکا و گەلی ئەمەریکانە، بەلکو دووڤكه‌تیێن ئایەتۆللاهێن وەکە سەلامی نە.

ئەڤ سیناتۆرێ ئەمەریکی دبێژه‌: یا ژ بۆ من ئەشکەرە ئەڤە کو ب تەنێ هنەک رۆژێن کێم ل ژیان کرنا رەژیما ئیرانێ مانە.

سیناتۆر د بەردەوامییا ئاخافتنێن خوە دا ئەشکەرە دکەت کو گڤاشتنێن سەرۆک دۆنالد ترامپ دێ به‌رده‌وام بن، و ئەڤ یەک دێ د بەرژەوەندییا گەلی ئیرانێ دا ب داوی هێت و دەما ئەڤ رەژیما کۆژەک ب داوی تێ، جیهان دێ ببە جهه‌كێ ئێمن.

ل دژی بلند کرنا بهایێ بانزینێ ل ئیرانێ، گەلێ ئیرانێ دەست ب خوەپیشاندنانان کر لی بەلی پاش 5 رۆژان و کوشتنا سەدەهان خوەپیشاندەران و دەستەسەرکرنا هەزاران خوەپێشاندەرێن دن، رەژیما ئیرانێ کاری ڤان خوەپێشاندانا ب داوی بینە.

هەرچەند ئەڤ خوەپێشاندانە ب سەدەما بلندکرنا بهایێ بانزینێ ژ ئالیێ رەژیما ئیرانێ ڤە هاتنە ئەنجامدان لی بەلی بەرە بەرە داخوازیێن خوەپێشاندەران هاتن گوهەرین و داخوازا ئیستیفا کرنا رایەدارێن حكوومەتا ئیرانێ کرن.