رێبه‌رێ ته‌ڤگه‌را سه‌دری ئیرۆ راگه‌هاند؛ ئه‌و به‌شداری وێ هكوومه‌تێ نابه كو پشتی چوونا عادل عه‌بدولمه‌هدی وێ وه‌ره پێكانین.
موقتەدا سەدر رێبەرێ تەڤگەرا سەدری ئیرۆ رۆژا شەمی 30/11/2019ان راگهاند، ته‌ڤگەرا وی د وێ هکوومەتا کو بریارە پاش دەست ژ کار کێشانا عادل عەبدولمەهدی ده وەرە پێک ئانین، بەشدار نابە، هەڤپەیمانیا سائیروون کو سەدر سەرکرداتیا وێ دکە د هلبژارتنێن پەرلەمێنتۆیا عیراقێ ل مەها گولانا سالا 2018ان دە ب دەستڤە ئانینا 54 کورسیان ل رێزا یەکەم ئا پەرلەمێنتۆیێ هات.
ئاخافتنێن سەدر پاش وێ یەکی دهێن کو پرۆپاگندەیا وێ یەکی د ناڤ گەلێن عیراقێ دە بەلاڤ بوویە کو 5 کەس نامزەدن ژبۆ پیک ئانینا هکوومەتا پاش عادل عەبدولمەهدی، لێ بەلێ خوەپیشاندەر داخوازا گۆهەرینێن تەڤاهی د ناڤا هکوومەتێ دە دکن.
رۆژا ئینی 29/11/2019ان عادل عه‌بدولمه‌هدی راگهاند ژبۆ رێگرتن ژ خوین رێتنێ ئەو دەست ژ پۆستا خوە ئا سەرۆک وەزیرتیێ بەرددە.
پاش ڤێ داخوەیانیا عادل عەبدولمەهدی خوەپێشاندەرێن عیراقێ ب شاهیێ پێشوازی ل ڤێ داخوەیانیا وی کر وان ئەڤ کارە وەکە سەرکەتنەکە دیرۆکی و دەستپێکا سەرکەتنا خوە دا ناساندن.
