ئه‌فسه‌ره‌ك لسه‌ر كوشتنا خوه‌پێشانده‌ران دێ هێته‌ سیداره‌دان

ئه‌فسه‌ره‌ك لسه‌ر كوشتنا خوه‌پێشانده‌ران دێ هێته‌ سیداره‌دان

ده‌ستهلاتا دادوه‌ریا ئیراقێ ئیرۆ سزایێ بدارڤه‌كرنێ ژ بۆ ئه‌فسه‌ره‌كێ هێزێن ئه‌وله‌هیێ ده‌رخست كو ده‌ست د كوشتنا خوه‌پێشانده‌ران ده‌ هه‌یه‌.

دادگه‌ها ئیراقێ ئیرۆ رۆژا یه‌كشه‌می 1/12/2019ێ سزایێ بدارڤه‌كرنێ ژ بۆ ئه‌فسه‌ره‌كێ ئیراقێ ده‌رخست كو ده‌ست د كوشتنا خوه‌پێشانده‌ران ده‌ ل پارێزگه‌ها واست یا ناڤه‌راستا ولات هه‌یه‌.

هه‌موه‌خت دادگه‌هێ سزایێ زیندان كرنێ بۆ ده‌ما 7 سالان ژ بۆ ئه‌فه‌سه‌ره‌كێ دن ژی ده‌رخست كو هێز ل دژی خوه‌پێشانده‌ران بكارئانی بوو.

ل گۆر كۆمسیۆنا مافێن مرۆڤان یا ئیراقێ ژ ده‌ستپێكا خوه‌پێشاندانان، پێتر ژ 400 كه‌سان هاتنه‌ كوشتن و هه‌موه‌خت 16 هزار بریندار كه‌تنه‌.

پرانیا قوربانیێن خوه‌پێشاندانان ب ته‌قه‌یا راسته‌ راست یا هێزێن ئه‌وله‌هیێ و بۆمبێن رۆندكرێژ جانێ خوه‌ ژ ده‌ستدانه‌ و بریندار بوونه‌.

پشتی ده‌ست ژ كار كێشانا سه‌رۆك وه‌زیر عادل عه‌بدولمه‌هدی، خوه‌پێشانده‌ران و هنه‌ك ژ ئالیێن سیاسی داخواز كرنه‌، كه‌سێن ده‌ست د كوشتنا خوه‌پێشانده‌ران ده‌ هه‌یی، وه‌رن دادگه‌هـ كرن.