ئیرۆ بۆ جارا ددویان کۆنسۆلخانەیا ولاتێ ئیرانێ ل باژارێ نەجەف ئێ ئیراقێ ژ ئالیێ گەلێ نەرازی ڤە هات شەوتاندن و ٣ خوەپیشاندەر ل بەغدایێ و نەجەفێ هاتن کوشتن و هەژمارەکە دن ژی بریندار بوون.
لگۆرەی مەدیایێن لۆکالی ئێن ئیراقێ ئیرۆ رۆژا یەکشەمی 1/12/2019ان، ژ بوو جارا ددویان د یەک هەفته‌یێ دە کۆنسۆلخانەیا ئیرانێ ل باژارێ نەجەفێ تێ شەوتاندن.
هەر ئیرۆ مەدیایێن ئیراقێ ئەشەرە کر کو ب سەدەما بەردەوام بوونا خوەپێشاندانێن گەلێ نەرازی ئێ ئیراقێ ل دژی دزی و گەندەلی و تالانکرنا ملک و مالێ گشتی ژ ئالیێ رایەدارێن ئیراقێ ڤە، پەڤچوون دناڤبەرا خوەپێشاندەران و هێزێن ئەولەهیا ئیراقێ دە درست بوون و دو خوەپێشاندەر ل نەجەفێ هاتن کوشتن و هەژمارەکە دن ژی هاتن بریندار کرن، هەموەخت ل بەغدایا پایتەختا ئیراقێ خوەپێشاندەرەکە دن هات کوشتن.
