ولاتێ ژاپۆنێ بۆ جارا یه‌كه‌مین د دیرۆكا خوه ده، ژنه‌ك ل فه‌رماندارێتیا كه‌شتیه‌كه جه‌نگی یا هه‌ری خه‌ته‌ر وه‌زیفه‌دار كر.
وه‌زاره‌تا به‌ره‌ڤانیێ یا ژاپۆنێ ئه‌شكه‌ره كر، وان ئه‌فسه‌ره‌كا خوه یا ژن ب ناڤێ «میهو ئۆتانی» وه‌كه فه‌رماندارا تیما «میكۆ» یا كه‌شتیێن جه‌نگی یێن ئارته‌شا ژاپۆنێ وه‌زیفه دار كر، ب وێ یه‌كێ ئه‌و دبه یه‌كه‌مین ژن، ئه‌ركا فه‌رماندارێتیا كه‌شتیه‌كه جه‌نگی یا خه‌ته‌ر د پیكهاته‌یا هێزێن ده‌ریایی یێن ژاپۆنێ ده وه‌ردگره.
وه‌زاره‌تا به‌ره‌ڤانیێ یا ژاپۆنێ ده‌ست نیشان كر، «میهو ئۆتانی» ته‌مه‌ن 48 ساله و ئه‌ركا وێ دێ فه‌رماندارێتیا هه‌ژماره‌كه كه‌شتیێن جه‌نگی و 300 له‌شكران به.
هه‌ر وها دیار كر، «میهو ئۆتانی» ب یه‌ك ژ ژنێن هه‌ری كێم د ژاپۆنێ ده تێ هه‌ژمارتن كو خواندنا خوه ل ئه‌كادیمیا له‌شكری یا وه‌زاره‌تا به‌ره‌ڤانیێ ل سالا 1996ێ ب داوی ئانیه.
