گراهام و هۆلن داخوازا سزادانا تركیێ دكن

گراهام و هۆلن داخوازا سزادانا تركیێ دكن

دو سه‌ناتۆرێن هه‌ری دیار یێن كۆنگرێسا ئه‌مه‌ریكایێ داخواز ژ ئیداره‌یا ولاتێ خوه‌ كرنه‌، سزایان ل سه‌ر تركیێ ب سه‌پینن و رێ نه‌دن ولاتێن دن ژی سڤكاتیێ ب یاسایێن ئه‌مه‌ریكایێ بكن.

سه‌ناتۆرێ كۆماری لێندسی گراهام و یێ ده‌مۆكرات كرێس ڤان هۆلن، داخواز ژ ئیداره‌یا دۆنالد ترامپ كرنه‌، ب سه‌ده‌ما كڕینا سیسته‌ما پاراستنا ئاسیمانی یا ب ناڤێ S-400ێ سزایێن هه‌ری دژوار ل سه‌ر ولاتێ تركیێ ب سه‌پینن.

وان سه‌ناتۆران نامه‌یه‌ك ژ بۆ مایك پۆمپێیۆ وه‌زیرێ كارێن ده‌رڤه‌ یێ ئه‌مه‌ریكایێ شاندیه‌ و تێده‌ داخواز كرنه‌، بلا ئێدی ئه‌مه‌ریكا زێده‌تر خوه‌ ل به‌ندا تركیێ نه‌گریت و ده‌م هاتیه‌ سزا ل سه‌ر بهێن سه‌پاندن.

د نامه‌یا سه‌ناتۆرێن كۆماری و ده‌مۆكرات ده‌ هاتیه‌: «هه‌گه‌ر ئیداره‌یا ترامپ شكه‌ستنێ د سه‌پاندنا سزایان ل سه‌ر تركیێ ده‌ بینیت، ئه‌ڤ یه‌ك دێ هه‌ری خه‌ته‌ر بیت، ژبه‌ركو ئێدی ولاتێن دن ژی دێ سڤكاتیێ ب یاسایێن ئه‌مه‌ریكایێ كه‌ن و هه‌رتشت دێ بێ سزا ده‌رباس به»‌.

ل گۆر یاسایه‌كه‌ ئه‌مه‌ریكایێ كو ل سالا 2017ێ ده‌ركه‌تیه‌، هه‌ر ولاته‌كێ ئالاڤێن له‌شكری ژ رووسیا فه‌ده‌رال بكڕیت، دكه‌ڤه‌ د كاته‌گۆریا نه‌یارێن ئه‌مه‌ریكایێ ده‌ و پێویسیته‌ سزا ل سه‌ر بهێن سه‌پاندن.

پوستێن ھەمان بەش