ترامپ: «ئیرانێ ب هزاران ولاتیێن خوه‌ كوشتنه‌»

ترامپ: «ئیرانێ ب هزاران ولاتیێن خوه‌ كوشتنه‌»

سه‌رۆكێ ویلایه‌تێن یه‌كگرتی یێن ئه‌مه‌ریكایێ ئیرۆ راگهاند، كۆمارا ئیسلامی یا ئیرانێ ب هه‌زاران ولاتیێن خوه‌ كوشتنه‌ ب تایبه‌ت كه‌سێن كو خوه‌پێشاندان كرین.

دۆنالد ترامپ سه‌رۆكێ ئه‌مه‌ریكایێ، ئیرۆ رۆژا سێشه‌می 3/12/2019ان ل ده‌ربارا ئیرانێ گۆت كو رژێما وی ولاتی ب هزاران ولاتیێن خوه‌ كوشتنه‌ ب تایبه‌ت وان كه‌سێن كو خوه‌پێشاندان ل دژی دستهلاتێ كرین.

هه‌موه‌خت ترامپ داخواز ژ ولاتیێن جیهانێ كر ل دژی ره‌فتارێن هۆڤانه‌ یێن ئیرانێ بهێن ده‌نگ.

سه‌رۆكێ ئه‌مه‌ریكایێ ئه‌ڤ داخوه‌یانی د چارچووڤه‌یا سه‌ردانه‌كا خوه‌ یا له‌نده‌نێ دایه‌، به‌را به‌شداربوونێ د جڤینا هه‌ڤپه‌یمانێتیا باكورێ ئه‌تله‌سی ناتۆیێ ده‌ و گۆت: «ئیرانێ ئێنته‌رنێت بریه‌ داكو جیهان تاوانێن وێ یێن هۆڤ نه‌بینه‌».

خوه‌پێشاندانێن ئیرانێ ل ناڤه‌راستا مه‌ها نۆڤێمبه‌را ئیسالێ 2019ان ل دژی به‌رزكرنا بهایێن په‌نزینێ ده‌ست پێ كرن، هه‌ر د زوو ده‌ ل پرانیا باژارێن وی ولاتی و هه‌ر وها رۆژهلاتا كوردستانێ به‌لاڤه‌بوون.

 رژێما ئیرانێ هێز ل دژی خوه‌پێشانده‌ران بكارئانی و ب سه‌دان كه‌س ژێ كوشتن، هه‌موه‌خت رێكخه‌رێن خوه‌پێشاندانان ده‌سته‌سه‌ر كرنه‌.

ده‌ستهلاتا ئایه‌تولاهان خوه‌پێشانده‌ر ب تێكده‌ر و خرابكار ناڤ كرن و فه‌رماندارێن سپایێ پاسداران ژی ئه‌شكه‌ره‌ كرن كو دژوارترین سزا وێ ل سه‌ر وان وه‌ره‌ر سه‌پاندن.